«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?
Staršynioj praŭleńnia fondu Bialorus Liberty, kudy prychodziać hrošy dla Kaardynacyjnaj rady i «Kibierpartyzanaŭ», staŭ Vital Paciechin. Heta były vajskoviec, zavočna prysudžany ŭ Biełarusi da 24 hadoŭ źniavoleńnia za ataku na bazu AMAPu va Uruččy. Pradstaŭnica «Kibierpartyzanaŭ» Julijana Šamietaviec paćvierdziła «Našaj Nivie», što Vital pryznačany kiravać fondam: «My jamu daviarajem, kab jon razabraŭsia z tym, što adbyłosia».
Raniej na rachunak fondu Białoruś Liberty byli pieraviedzienyja hrošy dla «Kibierpartyzanaŭ» i Kaardynacyjnaj rady. Siońnia ŭ Ministerstvie zamiežnych spravaŭ Polščy raspaviali, što z rachunka fondu Anžaliki Mielnikavaj hrošy byli źniatyja. Pry hetym nieviadoma, ci heta zrabiła jana sama, a kali ŭsio ž sama, to ci pa svajoj voli.
Płanujecca, što akurat Vital Paciechin jak novy kiraŭnik fondu budzie bolš ščylna raźbiracca ŭ situacyi, atrymaŭšy dostup da dakumientacyi i bankaŭskaha rachunku.
Adnak pakul dostupu da rachunku niama.
«Vital — časovy kiraŭnik, na pieryjad raźbiralnictvaŭ. Dalej — pahladzim», — prakamientavała Julijana Šamietaviec, dadaŭšy, što paralelna pravodzić ułasnaje rasśledavańnie ŭ spravie źniknieńnia Anžaliki Mielnikavaj.
Ad kamientaroŭ Vital Paciechin na ciapierašnim etapie admoviŭsia.
Miarkujučy pa infarmacyi z bazy polskich jurydyčnych asobaŭ, Paciechin uznačalvaje fond SNB.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary
Čamu kłapačusia. Ja chakierka. Da mianie ŭ Hiermanii čaplaŭsia na kanfierencyi pa kibieru dziŭny čałaviek, niby palak niby niemiec - ładna razmaŭlaŭ na každaj z moŭ, jakoha potym znajšła ŭ Linkiedin - dyk voś, prapanavaŭ spatkacca ŭ Curychu i parazmaŭlać pra kibierpartyzanaŭ i rabotu na nich. Hety był chiba 2023 rok. Pry hetym u lencie na linkiedinie ŭ jaho adnyja anty-polskija pasty.
Vy chodzicie pa vielmi tonkamu lodu.