Abjavili poŭny śpis pretendentaŭ na premiju Natalli Arsieńnievaj

U poŭny śpis premii ŭvajšli 15 knih:

1. «Vieršy dla chramaŭ, siza, iču» — Raman Abramčuk (vydaviectva «hochroth Minsk»);

2. «Momant cišyni» — Nadzieja Amielčanka (zašyfravany ŭdzieł, sapraŭdnyja źviestki pra knihu i aŭtarstva nie abviaščajucca publična);

3. «Amal» — Viera Burłak (vydaviectva «hochroth Minsk»);

4. «Pad asobnymi koŭdrami» — Volha Hapiejeva (vydaviectva «Skaryna Press»);

5. «Niekudy» — Jarasłaŭ Haraluk (zašyfravany ŭdzieł, sapraŭdnyja źviestki pra knihu i aŭtarstva nie abviaščajucca publična);

6. «Aranžavy» — Viktar Žybul (vydaviectva «hochroth Minsk»);

7. «Niepramo(ŭ)lenaje» — Anatol Ivaščanka (vydaviectva «Skaryna Press»);

8. «Akramia» — Pavieł Kapanski (biez vydaviectva);

9. «Iluzija» — Dzianis Macieša (vydaviectva «Encykłapiedyks»);

10. «Biez Ajčyny. Kniha turmy i zamiežža» — Uładzimir Niaklajeŭ (vydaviectva Kalehiuma Uschodniaj Jeŭropy);

11. «Hibroidy» — Siarhiej Pryłucki (vydaviectva «Mianie niama»);

12. «Ničoha niastrašnaha» — Siarhiej Pryłucki (vydaviectva «hochroth Minsk»);

13. «DOM. Paezija vyhnańnia» — Siaržuk Sys (vydaviectva «Skaryna Press»);

14. «Mužyki» — Hania Fakju (vydaviectva «Łysy Čerap»);

15. «Dzikaje palavańnie karala Stacha: Vieršy da opery» — Andrej Chadanovič (vydaviectva «Gutenberg Publisher»).

Lidaram pavodle kolkaści naminantaŭ stała vydaviectva Dźmitryja Strocava «hochroth Minsk» — čatyry knihi. Try paetyčnyja zborniki sa śpisu byli vydadzienyja vydaviectvam «Skaryna Press».

Zhodna sa statutam premii, naminanty majuć prava dziela biaśpieki zachavać ananimnaść i abrać zašyfravany ŭdzieł. U takim vypadku ich imiony zastajucca pad psieŭdanimami, nie abviaščajucca i nazvy tvoraŭ. Proźviščy buduć abvieščanyja tolki paśla taho, jak heta stanie biaśpiečna dla aŭtaraŭ.

Sioleta ŭ žury premii — piaciora majstraŭ: paety i paetki, litaraturaznaŭcy, uvažlivyja čytačy i čytački, jakija pa-sapraŭdnamu lubiać i razumiejuć paeziju. Mienavita jany vyznačać hałoŭnuju intryhu premii — abiaruć paetyčnuju knihu hoda. Siarod publičnych siabraŭ žury — asoby, čyje imiony dobra viadomyja ŭ litaraturnaj prastory:

Uljana Vieryna — litaraturaznaŭca, doktarka fiłałahičnych navuk.

Siarhiej Dubaviec — piśmieńnik, redaktar, litaraturaznaŭca, krytyk.

Hanna Šakiel — paetka i pierakładčyca, redaktarka časopisa «Taŭbin», łaŭreatka premii imia Natalli Arsieńnievaj za 2023 hod.

• 0
• 0
• 0
• 0
• 0
• 0
• 0
• 0