Ełtan Džon dziasiaty raz uznačaliŭ brytanski chit-parad sa svaim novym albomam
Albom zapisvaŭsia vielmi ciažka. Ełtan Džon kryčaŭ na kaleh pa studyi, rvaŭ teksty piesień i pahražaŭ syści.
Ser Ełtan Džon skazaŭ Bi-bi-si, što šakavany tym, što jaho albom u dziasiaty raz uznačaliŭ brytanski chit-parad.
Płaścinka Who Believes In Angels, napisanaja razam z amierykanskaj śpiavačkaj Brendy Karłajł, zaniała pieršaje miesca praz 52 hady paśla taho, jak albom muzykanta Don't Shoot Me I'm Only The Piano Player padniaŭsia na viaršyniu čarta ŭ 1973 hodzie.
«Heta zdajecca davoli niezvyčajnym, što maja karjera ciahniecca tak doŭha. Zaŭsiody pryjemna ŭznačalić čart, niezaležna ad miesca. A ŭ vypadku z hetym albomam ja asabliva ŭzrušany, tamu što liču jaho lepšym z usiaho, što ja rabiŭ za doŭhi čas», — skazaŭ ser Ełtan Bi-bi-si.
Zapisany za try tydni ŭ kancy 2023 hoda albom, vypuščany 4 krasavika na łejble Interscope Records, atrymaŭ zachoplenyja vodhuki krytykaŭ. Praces zapisu byŭ davoli składanym, pra što śviedčyć dakumientalny film, apublikavany raniej na YouTube.
U im možna bačyć, jak Ełtan Džon kryčyć na kaleh pa studyi, rvie teksty piesień i pahražaje syści.
Pa jaho słovach, jon niervavaŭsia i byŭ razdražniony, častkova z-za taho, što adnaviŭsia paśla pratezavańnia tazaściehnavaha sustava, a taksama tamu, što pracavaŭ pa-novamu i z novaj kamandaj.
«Ja vielmi niervavaŭsia, tamu što chacieŭ, kab albom atrymaŭsia peŭnym, ale nie zaŭsiody možna harantavać, što tak i budzie. Dumaju, maje niervy, niaŭpeŭnienaść i sumnievy pryviali da niekalkich epizodaŭ drennych pavodzin, jakija byli źviazanyja z rasčaravańniem u sabie», — kaža muzykant.
Jak tolki byŭ zapisany pieršy trek, usio stała na svaje miescy, dadaje ser Ełtan.
Ełtan Džon zraŭniaŭsia z ABBA, Queen, Kajli Minoŭh i Majkłam Džeksanam u śpisie vykanaŭcaŭ z najbolšaj kolkaściu albomaŭ numar adzin u Vialikabrytanii. Upieršyniu jon zrabiŭ heta ŭ 1973 hodzie.
Hurt The Beatles i Robi Uiljams dzielać pieršaje miesca, majučy pa 15 albomaŭ numar adzin.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć88
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć8
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary