Ranicaj Vierbnaj niadzieli rasijanie ŭdaryli dźviuma balistyčnymi rakietami pa centry Sum. Dziasiatki zahinułych
Ranicaj 13 krasavika rasijanie ŭdaryli dźviuma balistyčnymi rakietami pa centry horada Sumy. Ciapier viadoma najmieniej pra dva dziasiatki zahinułych. Siońnia i pravasłaŭnyja, i kataliki adznačajuć vialikaje relihijnaje śviata — Vierbnuju niadzielu.
«U vyniku ŭdaru rakiety jość šmat zahinułych. Vorah znoŭ udaryŭ pa mirnym nasielnictvie», — napisaŭ vykonvajučy abaviazki mera Sum Arciom Kabzar.
Užo viadoma pra 34 zahinułych.
«Varožyja rakiety ŭdaryli pa zvyčajnaj haradskoj vulicy, pa zvyčajnym žyćci: damy, adukacyjnyja ŭstanovy, mašyny na vulicy… i heta ŭ dzień, kali ludzi iduć da cerkvaŭ: Vierbnica, śviata ŭvachodu Haspodniaha ŭ Ijerusalim», — napisaŭ prezident Ukrainy Uładzimir Zialenski.
Jon zajaviŭ, što patrebna žorstkaja reakcyja śvietu: «Złučanych Štataŭ, Jeŭropy, usich u śviecie, chto choča zakančeńnia hetaj vajny i zabojstvaŭ».
«Razmovy jašče nikoli nie spyniali balistyku i avijabomby. Treba takoje staŭleńnie da Rasii, jakoha zasłuhoŭvaje teraryst», — napisaŭ Zialenski.
Kamientaroŭ ad rasijskich uładaŭ na dadzieny momant niama. Pres-sakratar rasijskaha MZS Maryja Zacharava paśla navin ab trahiedyi ŭ Sumach napisała: «Ź Vierbnaj niadzielaj!»
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo13
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary