Na minułym tydni kala «Minsk-Areny» vystraiłasia vializnaja čarha. Biełarusy palavali na bilety na matčy «Dynama» suprać čalabinskaha «Traktara», jakija adbuducca ŭ Minsku 16 i 18 krasavika.
Natoŭp sabraŭsia jašče za niekalki hadzin da pačatku prodažu — zrazumieła, bilety razabrali ŭ toj ža dzień. A krychu paźniej jany źjavilisia na adnoj ź internet-barachołak, piša Onliner.by.
Situacyju prakamientavali va ŭpraŭleńni apieratyŭnych mierapryjemstvaŭ inśpiekcyi MPZ pa h. Minsku:
— Na fonie paśpiachovaha vystupleńnia CHK «Dynama-Minsk» u hetym siezonie ŭpraŭleńnie nastojliva papiaredžvaje śpiekulantaŭ, što dziejničajuć pa-za miežami pravavoha pola: nie varta nažyvacca na radaści biełaruskich balelščykaŭ. My patelefanujem u luby momant i «pahadzimsia» na vašy 200 rubloŭ za bilet. Ale ŭličycie: sustreča ŭ vyznačanym miescy ničoha dobraha vam nie pryniasie — stracicie i niervy, i čas, i bilety.
Daviadziecca potym apraŭdvacca, jak vy ź siabrami źbiralisia pahladzieć chakiej razam, ale z roznych siektaraŭ areny, a ŭ vyniku nie zmahli. I tłumačyć, čamu abjavy ab prodažy raźmiaścili zahadzia… Vidać, dar pradbačańnia padkazaŭ, što pajści nie atrymajecca? A toje, što bilet koštam 35 rubloŭ pradajecie za 200 — heta kampiensacyja maralnaj škody za toje, što nie zmahli pajści?
Nu a kali sapraŭdy tak zdaryłasia, što ŭ sumlennaha čałavieka nie atrymlivajecca schadzić na mierapryjemstva? Pradajcie bilet pa naminale, i tady vy dakładna daśćcie nam zrazumieć, što ŭ vašych dziejańniach niama nakiravanaści na atrymańnie dachodu.
A voś što kaža pra pieraprodaž biletaŭ juryst pa abaronie pravoŭ spažyŭcoŭ Ivan Rajkievič:
— Kali heta situacyja, kali čałaviek kupiŭ bilety, ale jany jamu nie spatrebilisia, naŭrad ci ŭ jaho buduć prablemy, kali jon ich pierapradaŭ.
Adnak varta ŭličvać niuans: kali čałaviek sistematyčna nabyvaje bilety i pierapradaje ich pa canie bolšaj, čym kupiŭ, to jość zajmajecca dziejnaściu, skiravanaj na atrymańnie prybytku, to faktyčna jon ažyćciaŭlaje pradprymalnickuju dziejnaść. A niezakonnaja pradprymalnickaja dziejnaść ciahnie adkaznaść pavodle artykuła 13.3 Kodeksa Respubliki Biełaruś ab administracyjnych pravaparušeńniach.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu6
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2727
Kamientary