13 krasavika ŭ vyniku rakietnaha ŭdaru pa horadzie Sumy zahinuŭ kamandzir 27-j reaktyŭnaj artyleryjskaj bryhady imia Kašavoha atamana Piatra Kałnyšeŭskaha pałkoŭnik Juryj Juła, paviedamlajuć ukrainskija ŚMI sa spasyłkaju na vydalenaje paviedamleńnie Biardzičaŭskaj RVA.
«Ukraincy praciahvajuć ciažkuju baraćbu, jakaja vyznačyć budučyniu dziaržavy i cyvilizavanaha hramadstva. Krovapralitnaja vajna z akupantami nanosić nacyi ciažkija straty. Hinuć lepšyja — tyja, čyje sercy bilisia va ŭnison z rodnaj ziamloj. <…>
Biardzičaŭskuju abščynu napatkała balučaja viestka ab hibieli ŭkrainskaha abaroncy, prafiesijnaha vajennaha pałkoŭnika Juryja Juły ŭ vyniku rakietnaha ŭdaru, naniesienaha voraham», — havorycca ŭ paviedamleńni.
Pa dadzienych krynic «Ukrainskaj praŭdy», Juryj Juła byŭ kambryham 27 reaktyŭnaj artyleryjskaj bryhady imia Kašavoha atamana Piatra Kałnyšeŭskaha. Ciapier na aficyjnych sajtach Biardzičaŭskaha haradskoha savieta i RVA paviedamleńni ab hibieli Juły vydaleny.
13 krasavika rasijanie nanieśli dva ŭdary pa Sumam. Viadoma pra 34 zahinułych, ź ich dvoje dziaciej — 2008 i 2013 hadoŭ naradžeńnia. Jašče 119 čałaviek atrymali ranieńni, kala 40 znachodziacca ŭ balnicach, ź ich 11 — u ciažkim stanie.
U Minabarony RF zajavili, što cellu ŭdaru pa Sumach byli ŭkrainskija vajskoŭcy.
Mer ukrainskaha Kanatopa abvinavaciŭ ułady Sumaŭ u arhanizacyi ŭznaharodžańnia vajskoŭcaŭ.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary