Pad Homielem piensijanier zabiŭ znajomaha i zakapaŭ jahonaje cieła ŭ dvary
U Śledčym kamitecie raskazali pra abstaviny hibieli 45-hadovaha homielca, cieła jakoha było znojdziena zakapanym na prysiadzibnym učastku ŭ vioscy Ramanavičy Homielskaha rajona.
Pa materyjałach śledstva, 6 krasavika mužčyna pryjechaŭ u Ramanavičy pa svaich spravach i sustreŭsia tam sa svaim znajomym dačnikam. Razam jany adpravilisia ŭ hości da miascovaha žychara, dzie vypivali.
Paźniej paciarpieły i jahony znajomy dačnik viarnulisia na daču apošniaha, kab praciahnuć zastolle. Mienavita tam pamiž mužčynami ŭźnikła svarka, jakaja skončyłasia trahična.
U peŭny momant haspadar doma, 77-hadovy piensijanier, nakinuŭsia na hościa, nanosiačy jamu ŭdary taburetkaj i nažom. Ad atrymanych traŭmaŭ mužčyna pamior.
Paśla, sprabujučy schavać ślady złačynstva, zabojca zakapaŭ cieła ŭ dvary. Ale źniknieńnie homielca nie zastałosia niezaŭvažanym, i jahonyja znajomyja źviarnulisia ŭ milicyju.
13 krasavika padazravany ŭ zabojstvie byŭ zatrymany i źmieščany pad vartu z adpaviednym abvinavačańniem. Ciapie pravodziacca śledčyja dziejańni i ekśpiertyzy dla ŭstanaŭleńnia ŭsich abstavin taho, što adbyłosia.
Kamientary