Susied źvierchu zrabiŭ taki ramont, što ŭ stoli źjavilisia dzirki. I ciapier čuvać luby huk

— Vosieńniu 2023 hoda susiedzi źvierchu pačali ramont. Ale budaŭnik, jakoha jany naniali, akazaŭsia, miakka kažučy, nie lepšym śpiecyjalistam. U vyniku ŭ majoj stoli — to bok u ich padłozie — źjavilisia skraznyja adtuliny.

Kali susiedzi daviedalisia, što maja kvatera zastrachavanaja, chutka prybiehli i zamazali dzirki. Zamazali, viadoma, aby-jak — ale heta było nie samaje strašnaje. Hałoŭnaja prablema vyjaviłasia paźniej: paśla ramontu padłoha ŭ ich kvatery pačała vydavać hučny i niepryjemny skryp — litaralna ad kožnaha kroku. Udzień ja jašče mahu ciarpieć — uklučaju muzyku, kab choć trochi zahłušyć hety šum. Ale niechta ź ich rehularna ŭstaje nočču, vidać, u prybiralniu, i hety tresk budzić mianie amal kožny raz. Nijakija bierušy nie ratujuć.

Ja niekalki razoŭ prasiŭ ich likvidavać prablemu i adramantavać padłohu, ale ŭsie maje prośby ihnarujucca. U adkaz — abo maŭčańnie, abo frazy kštałtu «A ŭ nas usio narmalna», «A ŭ nas taksama źvierchu šumnyja susiedzi, ale my na ich nie skardzimsia».

Maje ciarpieńnie ŭžo na miažy. Tamu płan dziejańniaŭ prykładna taki:

• Padam zajavu ŭ harvykankam z nahody ramontu, u vyniku jakoha była parušanaja cełasnaść pierakryćciaŭ. Nie viedaju, što za heta praduhledžana, ale niešta — dakładna.

• Płanuju nabyć bolš mahutnuju akustyčnuju aparaturu, kab z 07:00 da 23:00 hučali maje lubimyja vykanaŭcy: Rammstein, AC/DC, Judas Priest i inšyja.

• Kali heta nie spracuje, pajdu na krajnija miery: padzialu asabovyja rachunki pa ŭsich troch pakojach u svajoj kvatery, u kožny pakoj pasialu «viasiołuju» siamiejku ź nie samymi mirnymi zvyčkami, a sam pierajedu ŭ susiedni dom. Budu nazirać za tym, što adbyvajecca, zdalok.

Pakul što ź siońniašniaj ranicy ja pačaŭ uklučać im himn Respubliki Biełaruś roŭna ŭ 07:00. U 23:00 — paŭtor. Praŭda, maje ciapierašnija kałonki nie dajuć žadanaha efiektu, tamu ciapier šukaju bolš mahutnyja.

Heta, viadoma, naŭrad ci prymusić ich adramantavać padłohu. Ale načnych chadžeńniaŭ stała mienš. Mahčyma, na heta paŭpłyvaŭ i vizit pradstaŭnikoŭ ŽEU.

Praŭda, supracoŭniki skazali, što kankretnyja vysnovy možna budzie zrabić tolki paśla vymiareńnia šumu. Ale jość vialikaja vierahodnaść, što ŭzrovień akazvajecca ŭ miežach normy. Skryp — štuka padstupnaja, nie zaŭsiody hučnaja, ale bje dakładna pa niervach.

• 2
• 0
• 1
• 0
• 1
• 1
• 1
• 0