U Biełaruś pryjšoŭ novy cykłon — «Leoni». Jon prynios ledziany doždž
Ledziany doždž i rezkija pierapady tempieratur prynios u Biełaruś cykłon «Leoni». Pavodle prahnozaŭ sinoptykaŭ, najbolš niepahadź zakranie paŭdniova-zachodnija i centralnyja rehijony krainy. U suviazi ź niebiaśpiečnymi ŭmovami Biełhidramiet abviaściŭ aranžavy ŭzrovień pahrozy, paviedamlaje telekanał STB.
Tempieratura vahajecca ad -7 da +2 hradusaŭ, što spryjaje ŭtvareńniu hałalodu. Dziaržaŭtainśpiekcyja zaklikaje kiroŭcaŭ być maksimalna ŭvažlivymi, vykonvać chutkasny režym i ŭličvać składanuju darožnuju abstanoŭku.
Pavodle słoŭ pradstaŭnikoŭ DAI, užo da viečara na darohach źjavicca hałalod, a miescami — hałalodzica. Na poŭnačy krainy ruch uskładnić śniehavy nakat.
Kiroŭcam rajać paźbiahać rezkich manieŭraŭ i tarmažeńniaŭ, trymać biaśpiečnuju dystancyju i bakavy intervał, ruchacca z ahulnaj chutkaściu patoku i ŭklučać blizkaje śviatło faraŭ. Piešachodam varta karystacca śviatłoadbivalnymi elemientami i pierachodzić darohu tolki ŭ dazvolenych miescach, pierakanaŭšysia ŭ biaśpiecy.
Nastupstvy niepahadzi ŭžo adčuli žychary Bresta. Paśla adlihi ź plusavaj tempieraturaj pajšoŭ doždž, i ŭsiaho za hadzinu tratuary pakrylisia lodam. Kamunalnyja słužby apieratyŭna pačali apracoŭku daroh piasčana-salanaj sumieśsiu i prybirańnie śniehu ŭzdoŭž vulic. Da rabot pryciahnuli bolš za 70 adzinak techniki. U horadzie ŭstanoŭlena zvyš 1200 skrynak ź piaskom dla apracoŭki tratuaraŭ.
Ratavalniki nahadvajuć, što hałalod niasie šerah ryzyk: mahčymyja paškodžańni abo abryvy linij suviazi i elektrapieradač, uskładnieńnie ruchu transpartu, rost kolkaści DTZ i traŭmatyzmu siarod nasielnictva. U takich umovach važna zachoŭvać asablivuju aściarožnaść.
Ciapier čytajuć
Valfovič pra ataku dronam aŭtobusa ź dziećmi ŭ Branskaj vobłaści: Meta była sutyknuć Biełaruś z Ukrainaj1
Kamientary
Hałalod - heta płast ščylnaha lodu, jaki narastaje na LUBYCH PAVIERCHNIACH (ziemli, drevach, pravadach) u vyniku apadkaŭ.
Hałalodzica — heta lod, jaki ŭtvaryŭsia tolki NA PAVIERCHNI ZIAMLI (darohach, tratuarach). To-bok ślizkaja daroha.
Hałalod i hałalodzica — padobnyja słovy, ale heta roznyja źjavy.
❄️ Hałalod
Heta sucelny słoj lodu, jaki ŭtvarajecca, kali:
idzie doždž abo imža pry marozie,
kropli adrazu zamiarzajuć na pavierchniach.
📌 Dzie byvaje: drevy, draty, damy, darohi.
📌 Vynik: usio pakryta hładkim, šklanym lodam — moža łamać haliny i draty.
❄️ Hałalodzica
Heta ślizkaść na darohach i tratuarach, jakaja ŭźnikaje, kali:
padtajaŭ śnieh abo vada,
a potym rezka padmaroziła.
📌 Dzie byvaje: tolki na ziamli (darohi, chodniki).
📌 Vynik: vielmi ślizka, ale biez sucelnaha ledzianoha «pancyra» na ŭsim vakoł.