«Chrystos uvaskros!» Pieradvielikodny fotarepartaž sa šmatkanfiesijnaha Rakava
Sioleta 20 krasavika Vialikdzień u adzin dzień śviatkujuć i pravasłaŭnyja, i katalickija vierniki. A napiaredadni mnohija išli ŭ kaścioły i cerkvy ź vielikodnymi košykami. U ich toje, z čaho pačniecca śviatočny śniadanak. Vydańnie Office Life subotniaj ranicaj adpraviłasia ŭ Rakaŭ, što ŭ Vałožynskim rajonie, i pryviezła adtul dobry pieradvielikodny fotarepartaž.
Aśviačać niasuć pradukty, jakija źjaŭlajucca simvałam radaści, adradžeńnia. U pieršuju čarhu heta vielikodnyja bułki, krašanyja jajki, miasnyja pradukty, sol.
Časta ŭ košyki kładuć sol, sała, u niekatorych rehijonach u apošnija hady košyki dapoŭnilisia chrenam, kaŭbasoj, chlebam i navat cukierkami.
Z napojaŭ moža być tolki vada, jana, jak praviła, uvachodzić u «śvianconku» katalikoŭ. Pravasłaŭnyja časam nosiać u carkvu kahor — heta adziny ałkahol, jaki dapuščalny ŭ košyku.
Taksama košyki časta pryhoža ŭpryhožvajuć, kab stvaryć atmaśfieru śviata.
Kamientary