Rakieta Spectrum bavarskaha startapa Isar Aerospace upieršyniu paśpiachova dasiahnuła arbity. Zapusk adbyŭsia napiaredadni ŭviečary z kasmadroma Andoja ŭ Narviehii. Heta pieršy vypadak, kali pryvatnaja rakieta ź Jeŭropy vyjšła na arbitu, a taksama pieršy arbitalny zapusk rakiety z kantynientalnaj Jeŭropy, piša Bild.
Kiraŭnik Isar Aerospace Daniel Mietcler nazvaŭ zapusk histaryčnym pośpiecham.
«Heta ciažka vykazać słovami. Kali vosiem hadoŭ pracuješ nad niečym, nievierahodna bačyć, što ciažkaja praca ŭ vyniku akuplajecca», — skazaŭ jon Bild.
Pavodle słoŭ Mietclera, kampanija dasiahnuła arbity z druhoj sproby.
«Dla paraŭnańnia: SpaceX spatrebilisia čatyry sproby, a my spravilisia z druhoj. U kančatkovym vyniku heta śviedčyć na karyść jeŭrapiejskaj inžyniernaj škoły», — zajaviŭ jon.
Mietcler ličyć, što pośpiech Spectrum pakazvaje zdolnaść Hiermanii i Jeŭropy realizoŭvać bujnyja technałahičnyja prajekty samastojna.
«Apošnija amal dziesiać hadoŭ mnie ŭsie kazali: takoje niemahčyma zrabić u Hiermanii, takoje niemahčyma zrabić u Jeŭropie, my nie źbiarom hrošy. A my prosta zrabili heta», — skazaŭ jon.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary14
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary