Pieršymi biełarusami, jakija sustrelisia z novym Papam, stała delehacyja hreka-katolikaŭ
Sustreča z uschodnimi katolikami (hreka-katolikami) adbyłasia 14 maja. Papa padkreśliŭ, što vybar mienavita hetaj aŭdytoryi dla adnoj ź pieršych sustreč svajho pantyfikatu nie vypadkovy, paviedamlajuć Naviny Vatykana.
Na aŭdyjencyi prysutničała delehacyja biełaruskich śviataroŭ: hreka-katalickuju supolnaść Biełarusi na Jubilei pradstaŭlaje archimandryt Siarhiej Hajek — apostalski administratar dla viernikaŭ vizantyjskaha abradu ŭ Biełarusi, a taksama try śviatary: ajciec Andrej Abłamiejka ź Minska, ajciec Andrej Krot z Hrodna i ajciec Jaŭhien Usošyn, kancler kuryi apostalskaj administratury.
«Vy źjaŭlajeciesia kaštoŭnymi. Hledziačy na vas, ja dumaju pra raznastajnaść vašych pachodžańniaŭ, słaŭnuju historyju i žorstkija pakuty, jakija pieranieśli ci praciahvajuć pieranosić mnohija vašyja supolnaści,» — skazaŭ pantyfik, cytujučy svajho papiarednika Papu Franciška, jaki nazyvaŭ Uschodnija Cerkvy zachavalnikami «unikalnych duchoŭnych i mudrasnych tradycyj».
Asablivuju ŭvahu Leŭ XIV nadaŭ prablemie zachavańnia ŭschodnich tradycyj u dyjaspary. Jon padkreśliŭ, što vierniki, jakija pakidajuć svaje rodnyja ziemli z pryčyny vojnaŭ, pieraśledu, niestabilnaści ci biednaści, ryzykujuć stracić nie tolki Radzimu, ale i relihijnuju identyčnaść.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary