Biełarus znajšoŭ na nabytym učastku dziŭnyja rečy na vypadak apakalipsisu
Kali nabyvajecie stary dom, budźcie hatovyja da niečakanaściaŭ. Čytač Onliner.by Andrej z Babrujska natrapiŭ na nabor zahadkavych pradmietaŭ — ad vuhlekisłotnaha vohnietušyciela da cełaj banki adnaŭlalnaha šampunia. I znajšoŭ jon usio heta ŭ daloka nie samym prydatnym miescy…
— Žyviom z žonkaj i dźviuma dočkami ŭ Babrujsku. U žniŭni minułaha hoda nabyli dom amal u centry — pabudova 1950-ch hadoŭ. Kanalizacyi ŭ im jak takoj nie było: prybiralnia stajała na dvary — pa typu vyhrabnoj jamy, — raspavioŭ Andrej.
Zimoj miascovy vodakanał padvioŭ centralnuju kanalizacyju da ŭčastka, a ŭ sakaviku mužčyna razam sa stryječnym bratam zrabiŭ poŭnuju razvodku pa domie i ŭstalavaŭ unitaz. Nastupiŭ maj, a razam ź im — i čas pazbavicca ad vuličnaj prybiralni kančatkova.
— Vyrašyŭ źnieści hety anachranizm, krynicu pachaŭ i much. Chacieŭ poŭnaściu zraŭniać jaho ź ziamloj, kab i śledu nie zastałosia. Vydatkavaŭ na heta adzin vychadny i dva poŭnyja viečary. Praces akazaŭsia značna bolš pracajomkim, čym ja mierkavaŭ.
— Jak ža ja złavaŭsia, kali vyjaviłasia, što fundamient u hetaj vyhrabnoj jamy sychodzić na paŭmietra ŭhłyb. Zmaryŭsia jaho vydalać! — pryznaŭsia Andrej. — Darečy, niekatoryja čyrvonyja cahliny, ź jakich jon byŭ zrobleny, mieli klejmy. Ich ciažka pračytać, ale na kancy vyrazna bačnaja litara «'», što śviedčyć pra darevalucyjnaje pachodžańnie.
Kali pabudova pačała zdavacca, pajšli niečakanyja znachodki: vuhlekisłotny vohnietušyciel z manomietram, damkrat, viadro ź niečym ciažkim, padobnym da bietonu sa ščebniem, i banka adnaŭlalnaha srodku dla vałasoŭ, jakuju Andrej adkryvać nie navažyŭsia. Naturalna, usio heta było ŭ vielmi kiepskim stanie.
— Ja, kaniečnie, ŭsio razumieju, ale što tam rabili damkrat i vohnietušyciel na 20 litraŭ — zastajecca tolki zdahadvacca…
Mahčyma, heta była čyjaści zanačka na vypadak apakalipsisu.
Kamientary
Šampuni pračytaŭ, pierajšoŭ na ciažkija: vohnietušycieli.