Беларус знайшоў на набытым участку дзіўныя рэчы на выпадак апакаліпсісу
Калі набываеце стары дом, будзьце гатовыя да нечаканасцяў. Чытач Onliner.by Андрэй з Бабруйска натрапіў на набор загадкавых прадметаў — ад вуглекіслотнага вогнетушыцеля да цэлай банкі аднаўляльнага шампуня. І знайшоў ён усё гэта ў далёка не самым прыдатным месцы…
— Жывём з жонкай і дзвюма дочкамі ў Бабруйску. У жніўні мінулага года набылі дом амаль у цэнтры — пабудова 1950-х гадоў. Каналізацыі ў ім як такой не было: прыбіральня стаяла на двары — па тыпу выграбной ямы, — распавёў Андрэй.
Зімой мясцовы водаканал падвёў цэнтральную каналізацыю да ўчастка, а ў сакавіку мужчына разам са стрыечным братам зрабіў поўную разводку па доме і ўсталяваў унітаз. Наступіў май, а разам з ім — і час пазбавіцца ад вулічнай прыбіральні канчаткова.
— Вырашыў знесці гэты анахранізм, крыніцу пахаў і мух. Хацеў поўнасцю зраўняць яго з зямлёй, каб і следу не засталося. Выдаткаваў на гэта адзін выхадны і два поўныя вечары. Працэс аказаўся значна больш працаёмкім, чым я меркаваў.
— Як жа я злаваўся, калі выявілася, што фундамент у гэтай выграбной ямы сыходзіць на паўметра ўглыб. Змарыўся яго выдаляць! — прызнаўся Андрэй. — Дарэчы, некаторыя чырвоныя цагліны, з якіх ён быў зроблены, мелі клеймы. Іх цяжка прачытаць, але на канцы выразна бачная літара «ъ», што сведчыць пра дарэвалюцыйнае паходжанне.
Калі пабудова пачала здавацца, пайшлі нечаканыя знаходкі: вуглекіслотны вогнетушыцель з манометрам, дамкрат, вядро з нечым цяжкім, падобным да бетону са шчэбнем, і банка аднаўляльнага сродку для валасоў, якую Андрэй адкрываць не наважыўся. Натуральна, усё гэта было ў вельмі кепскім стане.
— Я, канечне, ўсё разумею, але што там рабілі дамкрат і вогнетушыцель на 20 літраў — застаецца толькі здагадвацца…
Магчыма, гэта была чыясьці заначка на выпадак апакаліпсісу.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары
Шампуні прачытаў, перайшоў на цяжкія: вогнетушыцелі.