Bałharyja zajaviła, što nie padtrymaje 21‑šy pakiet sankcyj Jeŭrasajuza suprać Rasii, kali ź jaho nie vyklučać dva imieni, paviedamlaje «Jeŭrapiejskaja praŭda».
Premjer-ministr Bałharyi Rumien Radzieŭ zajaviŭ, što jahonaja kraina hatovaja zabłakavać pryniaćcie pakieta, kali ŭ sankcyjnym śpisie zastanucca patryjarch Ruskaj pravasłaŭnaj carkvy Kirył i saŭładalnik kampanii «Łukojł» u Bałharyi Vahit Alekpieraŭ. Bałharskija ŭłady tłumačać svaju pazicyju nieabchodnaściu abarony enierhietyčnych intaresaŭ krainy.
Radzieŭ adznačyŭ, što pytańnie tyčycca nie asoby samoha patryjarcha, a jaho statusu jak kiraŭnika RPC. Taksama jon padkreśliŭ, što Bałharyja budzie adstojvać svaju pazicyju na ŭzroŭni ES.
U papiarednija hady krainaj, jakaja aktyŭna supraciŭlałasia ŭniasieńniu ŭ sankcyjnyja śpisy aktyŭnaha prachilnika vajny Rasii z Ukrainaj patryjarcha Kiryła, była Vienhryja pad kiraŭnictvam šmathadovaha premjer-ministra Viktara Orbana. Hety palityk sa svajoj partyjaj «Fides» razhromna prajhraŭ parłamienckija vybary ŭ krasaviku hetaha hoda, ale tady ž u Bałharyi pieramahła prarasijskaja kaalicyja «Prahresiŭnaja Bałharyja», lidar jakoj, były prezident krainy Rumien Radzieŭ, uznačaliŭ novy ŭrad.
Raniej paviedamlałasia, što da abmierkavańnia sankcyjnych inicyjatyŭ dałučalisia i inšyja krainy, u tym liku Italija, jakaja taksama vykazvała zaniepakojenaść asobnymi punktami pakieta.
Novy, 21‑y pakiet sankcyj ES suprać Rasii płanujecca ŭzhadnić u bližejšy čas.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary
Kaliści u ramanie ab vyzvaleńni Bałharyi Ju Nahibina pamiataju vykazvańnie prypisanaje baŭharynu jaki pabačył staŭleńnie u rasijskam vojsku da zoldat i navat da achficeraŭ
Vyzvalicyli ??? Spačatku vyzvalicieś sami ....
I sieńnia taksama darečy
Osvoboditieli Osvoboditieś snačało sami