«Mamkin piastun». U Minsku adkryłasia skandalnaja rasijskaja dastaŭka sušy — nazvy straŭ epatujuć
Dastaŭka «Jobidojobi» zapracavała na Tałbuchina. Dla Biełarusi franšyza raspracavała niekalki ŭnikalnych nazvaŭ setaŭ.
Skandalnaja rasijskaja dastaŭka sušy «Jobidojobi» pačała pracavać u Minsku. U Biełarusi franšyza źmianiła nazvu na «Jo sušy i roły», ale sajt usio roŭna pracuje pad šyldaj Yobidoyobi.
Kancepcyja, praŭda, zastałasia raniejšaj. U Rasii sietka viadomaja dziakujučy pravakacyjnym nazvam setaŭ. U dastaŭcy prydumali i paru ŭnikalnych stravaŭ dla Biełarusi: u mieniu jość sety «Sytaja pyska» i «Mamkin piastun» (pravilna na biełaruskaj movie było b «mamčyn»). Dla ich i apisańni padrychtavali na biełaruskaj. Siarod inšych nazvaŭ, «Kuni Men», «Vachu jaki», «Chpo Ki» i hetak dalej.
Minsk staŭ čaćviortym horadam Biełarusi, dzie pačała pracavać skandalnaja dastaŭka: punkty ŭžo adkryli ŭ Homieli, Mahilovie i Mazyry. Franšyza płanuje pašyracca i ŭ inšyja harady.
Skandalny prajekt u 2016 hodzie zapuścili pradprymalniki z Krasnajarska Dźmitryj Pradzied i Kanstancin Zimien. Sietka časta akazvajecca ŭ centry miedyjnych skandałaŭ.
U siaredzinie 2023 hoda kampanija prajhrała sud ź Fiederalnaj padatkovaj słužbaj Rasii. Viedamstva patrabavała, kab «Jobidojobi» źmianiła svaju firmovuju nazvu, bo jana «suhučnaja ź nienarmatyŭnaj leksikaj, maje nieprystojny sens i supiarečyć hramadskim intaresam i pryncypam marali».
Tym nie mienš taki padychod da markietynhu akazaŭsia paśpiachovym. U kampanii 82 partniory i bolš za 200 filijałaŭ u čatyroch krainach śvietu, a hadavy abarot sietki składaje $75 młn.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»5
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary