U niamieckim Bremienie zatrymali 46-hadovaha biełarusa i dvuch niemcaŭ va ŭzroście 47 i 42 hadoŭ, jakija padazrajucca ŭ kradziažy aŭtazapčastak z hruzavych ciahnikoŭ. Pra heta paviedamlaje miascovaja palicyja, piša sajt «Biełaruś i mir».
Jak udakładniajecca ŭ pres-relizie, takija kradziažy nieadnarazova adbyvalisia ŭ minułym. Darahija detali krali z sastavaŭ, pastaŭlenych na noč na sartavalnaj stancyi horada.
U noč na aŭtorak 20 maja pravaachoŭniki źviarnuli ŭvahu na padazronuju trojcu na vulicy Papielvieh, u niepasrednaj blizkaści ad vahonaŭ-aŭtamabilevozaŭ.
Troje mužčyn spačatku sprabavali źjechać ad cyvilnaj mašyny palicyi na biełym furhonie, ale tady, kali byŭ vykarystany sihnał «stop» i probliskavy majačok, jany spynilisia.
Pry praviercy vyśvietliłasia, što hetyja ludzi ŭžo viadomyja pravaachoŭnikam jak takija, što zajmalisia kradziažom aŭtazapčastak. Taksama ŭ mašynie znajšli instrumienty dla demantažu detalaŭ. Dvoje z zatrymanych užo vyšukvalisia za ŭčynienyja złačynstvy.
Kiroŭca taksama padazrajecca ŭ kiravańni transpartnym srodkam u stanie narkatyčnaha apjanieńnia. Padazravanych znoŭ sfatahrafavali, źniali adbitki palcaŭ, u kiroŭcy ŭziali ŭzor kryvi dla analizu. Vyśviatlajecca, da jakich kradziažoŭ mužčyny mahli mieć dačynieńnie.
U Hiermanii zatrymali biełarusaŭ z sotniami plitak šakaładu
Jeŭrapoł zatrymaŭ hrupu hruzinaŭ, jakija krali knihi ruskich piśmieńnikaŭ ź jeŭrapiejskich biblijatek
Niamieckaja palicyja źniała biełarusa, jaki jechaŭ u Brusiel, z aŭtobusa i viarnuła ŭ Polšču
Biełarusa ŭ Polščy zatrymali za kradziež pasyłak z prysmakami i elektronikaj
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka4
Kamientary