«Hrošy kłaści ŭ skrynačku, reštu brać ź jaje». Kala Kosaŭskaha zamka pradajuć vialenuju rybu napavier
Čytač adnaho z bresckich partałaŭ dasłaŭ fota, jakoje adrazu pryciahnuła ŭvahu: na zaśniežanaj palanie, prosta kala ściany zamka ŭ Kosavie Ivacevickaha rajona, na viaroŭcy raźviešanyja vialenyja rybiny. A voś pradaŭca pobač niama, piša BGMedia.
«Ciapier takoje kala zamka ŭ Kosavie. Heta Biełaruś!», — padpisaŭ aŭtar zdymka.
Tut poŭny davier i prostyja praviły.
Zamiest pradaŭca — tablička. Na joj akuratny nadpis: «1 št — 5 rubloŭ. Hrošy kłaści ŭ skrynačku — reštu brać ź jaje. Pakiety pobač».
Heta značyć, schiema prostaja: ubačyŭ rybu — vybraŭ — raźličyŭsia — zabraŭ kuplenaje. Nijakich razmoŭ, čakańnia abo sprečak. Usio pabudavana na daviery.
Va ŭmovach zimy, kali stajać na choładzie za pryłaŭkam niaprosta, taki farmat vyhladaje całkam praktyčnym. Pakupnik tracić minimum času, a pradaviec — minimum siłaŭ. I ŭ vyniku zadavolenyja abodva baki.
Raniej stała viadoma pra padobnuju kramu samaabsłuhoŭvańnia, praca jakoj pabudavanaja na sumleńni i daviery, u vioscy Rakitna Łuninieckaha rajona.
«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ
«Heta treba nastolki daviarać ludziam». U vioscy na Brestčynie adkryli łarok samaabsłuhoŭvańnia biez pradaŭca
U paleskaj vioscy pradajuć harodninu napavier, biez pradaŭca VIDEA
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia6
Kamientary