«Jaho nie isnuje». U administracyi Trampa paćvierdzili spynieńnie pracy DOGE, jakim kiravaŭ Mask
Departamient dziaržaŭnaj efiektyŭnaści (DOGE), jaki ŭznačalvaŭ biznesmien Iłan Mask, spyniŭ svaju pracu za vosiem miesiacaŭ da zakančeńnia svajho mandata ŭ lipieni 2026 hoda. Pra heta ŭpieršyniu publična zajaviŭ dyrektar Upraŭleńnia pa pytańniach piersanału Skot Kupar, paviedamlaje Reuters.
Na pytańnie ab statusie departamienta Kupar adkazaŭ: «Jaho nie isnuje» i dadaŭ, što heta bolš nie «centralizavanaja struktura».
Mnohija funkcyi Departamienta dziaržaŭnaj efiektyŭnaści ŭziało na siabie Upraŭleńnie pa pytańniach piersanału — kadravaje viedamstva fiederalnaha ŭrada.
DOGE pačaŭ pracu paśla ŭstupleńnia Trampa na pasadu 20 studzienia 2025 hoda. Jon byŭ zadumany dla pierahladu vydatkaŭ i pavyšeńnia efiektyŭnaści ŭrada. Donald Tramp padpisaŭ ukaz, zhodna ź jakim DOGE pavinien byŭ dziejničać da lipienia 2026 hoda.
Iłan Mask nazyvaŭ DOGE «bienzapiłoj dla biurakratyi» i aktyŭna prasoŭvaŭ jaho ŭ sacsietkach.
Praca departamienta pryviała da zvalnieńnia sotniaŭ dziaržaŭnych słužačych i admienie padpisak biudžetnych struktur na libieralnyja ŚMI (Politico, Associated Press, The New York Times).
DOGE zajaŭlaŭ ab skaračeńni dziaržaŭnych vydatkaŭ na dziasiatki miljardaŭ dołaraŭ, ale źniešnija finansavyja ekśpierty nie zmahli heta paćvierdzić z-za adsutnaści padrabiaznaj publičnaj spravazdačnaści.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary