Vyzvalili palitźniavolenuju maci čatyroch dziaciej. Jaje mužu prysudzili 24 hady kałonii
U studzieni 2024 hoda ŭ Drahičynskim rajonie za dapamohu Ukrainie KDB zatrymaŭ adrazu 12 čałaviek. Niekatorych brali siemjami. Siarod ich byli sužency Jaŭhien i Lidzija Hruk. 22 listapada Biełaruś viarnuła Ukrainie 31 ukrainca, u tym liku i 30‑hadovuju Lidziju, asudžanuju za «ahienturnuju dziejnaść».
U prapahandysckim filmie biełaruskaha dziaržaŭnaha kanała ANT śćviardžałasia, što Lidzija z mužam Jaŭhienam fatahrafavała pamiežnyja abjekty. Siamiejnaj pary, u jakoj čaćviora niepaŭnaletnich dziaciej, vystavili abvinavačańnie ŭ «teraryźmie».
U kamientary «Suśpilnomu» žančyna paśla viartańnia va Ukrainu paviedamiła, što abvinavačańnie ŭ «teraryźmie» paźniej pierakvalifikavali ŭ «ahienturnuju dziejnaść». Pa hetym abvinavačańni joj prysudzili 4 hady źniavoleńnia.
Jana taksama zajaviła, što jaje muž dapamahaŭ ukraincam.
«Nijakich dziejańniaŭ ja nie rabiła (havorka idzie pra abvinavačańnie ŭ «teraryźmie» — Red.). Ja viedała, što moj muž dapamahaje ŭkraincam, što jon kantaktuje ź imi. Ja viedała, što jon na baku Ukrainy», — skazała Lidzija žurnalistam paśla vyzvaleńnia.
Jana dadała, što jaje mužu prysudzili 24 hady kałonii ŭzmocnienaha režymu. Dzieci (dva syny i dźvie dački) ciapier znachodziacca ŭ śviakruchi ŭ Biełarusi.
Samaj małodšaj dačce padčas jaje zatrymańnia było ŭsiaho 7 miesiacaŭ. Ukrainka choča zabrać dziaciej da siabie i spadziajecca na dapamohu z boku maci muža.
Kamientary
Zaraz budziem viedać, jak karacieli žadajuć, kab ich zatrymlivali - adrazu radzinami. Pryniali, zapisali
Kab maci muža mahła joj dapamahać ź dziećmi, maci treba emihravać va Ukrainu. Ź biełaruskim pašpartam i ŭsimi minusami ŭładalnika biełaruskaha pašparta va Ukrainie (zabarona na bankaŭskija kartki i inšyja prablemy). Biez kartki nie atrymaješ piensiju (kali jana piensijanierka). Pa-druhoje, heta aznačaje vieźci ŭnukaŭ i pad abstreły.
I pa-treciaje, heta aznačaje kinuć svajho syna, jakomu prysudzili 24 hady kałonii ŭzmocnienaha režymu, adnaho, bieź pieradač. Na ŭsie hetyja doŭhija hady.