Niahledziačy na adkrytyja punkty propusku na miažy ź Biełaruśsiu, litoŭskija pieravozčyki furami piaty dzień nie ŭjazdžajuć u Litvu, kaža pradstaŭnik Słužby achovy dziaržaŭnaj miažy (VSAT).
Jak zajaŭlaje Hiedryjus Mišucis, pavodle danych na ranicu paniadziełka, fury ź litoŭskimi numarami pakul nie ŭjazdžajuć, paviedamlaje LRT.
«Infarmacyi pra fury, jakija byli b bolš doŭhi čas u Biełarusi i viarnulisia, na hetu ranicu nie było», — skazaŭ Mišucis.
Pavodle jaho słovaŭ, miažu pierasiakajuć tolki tyja transpartnyja srodki, jakija ŭjechali ŭžo paśla adkryćcia punktaŭ.
«Jość takija fury i paŭpryčepy, jakija paśla adkryćcia abodvuch punktaŭ vyjechali ŭ Biełaruś, razhruzilisia i viarnulisia. (…) Idzie ruch fur, jakim dazvolena (u Biełarusi) ruchacca», — skazaŭ Mišucis. «Jeduć tyja [fury], jakija majuć prava. Najbolš siarod ich — rasijskija, kiroŭcy sa sproščanym tranzitnym dakumientam», — dadaŭ jon.
Pavodle danych VSAT, za minułyja sutki ź Biełarusi praz Salečniki miažu pierasiekli 45, a praź Miedniki — 68 hruzavych transpartnych srodkaŭ.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Ups.