U Homieli apraŭdali žančynu-kiroŭcu, jakaja naśmierć źbiła ravarysta
Śledčyja vyśvietlili abstaviny DTZ, jakoje adbyłosia 10 sakavika ŭ Homieli i pryviało da śmierci 60-hadovaha ravarysta. Akazałasia, što jon sam byŭ i vinavaty ŭ hetym zdareńni, a žančyna, jakija kiravała aŭtamabilem, ničoha zrabić dla jaho praduchileńnia nie mahła, paviedamlaje Śledčy kamitet.
Žančyna z Homielskaha rajona 10 sakavika jechała na aŭtamabili Volkswagen Golf pa darozie «Centralit —— Uryckaje —— Uvaravičy». Kala 19:37 jana nabližałasia da rehulavanaha piešachodnaha pierachodu kala prypynku «Abjaznaja daroha». Śviatłoforam joj byŭ dazvoleny prajezd — hareła zialonaje śviatło.
Raptam na darohu vyjechaŭ ravaryst. Kiroŭca pasprabavała rezka zatarmazić, ale sutyknieńnia paźbiehnuć nie ŭdałosia. Mužčynu dastavili ŭ balnicu, dzie praź niekalki dzion jon pamior. Na momant zdareńnia jon byŭ u stanie ałkaholnaha apjanieńnia.
U dačynieńni da žančyny zaviali kryminalnuju spravu pa artykule, jaki praduhledžvaje adkaznaść za parušeńnie pravił darožnaha ruchu, što pryviało da śmierci čałavieka. Śledstva praviało ekśpierymienty i apytała śviedkaŭ.
Vyśvietliłasia, što ravaryst jechaŭ pa viełaściežcy, a paśla rezka paviarnuŭ naleva i vyjechaŭ na piešachodny pierachod na čyrvonaje śviatło. Jon ruchaŭsia chutka — kala 17 km/h, što značna pieravyšaje chutkaść piešachoda. Zhodna z praviłami, ravaryst pavinien spynicca, pierakanacca ŭ biaśpiecy i pierachodzić darohu z chutkaściu, jak u piešachoda.
Ekśpiertyza zaśviedčyła, što aŭtamabil byŭ spraŭny, žančyna jechała z dazvolenaj chutkaściu — kala 87 km/h (dazvolena 90). Jana nie mieła techničnaj mahčymaści paźbiehnuć najezdu — ni ŭ momant vyjezdu viełasipiedysta, ni kali toj źmianiŭ kirunak.
U vyniku śledstva pryznała, što vinavatym u avaryi byŭ ravaryst, jaki parušyŭ praviły darožnaha ruchu. Kiroŭca ž dziejničała ŭ miežach zakona, tamu spravu suprać jaje zakryli.
Ciapier čytajuć
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach14
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary
Prosta Konho...