U Šviecyi anłajn-seks pryraŭniali da prastytucyi: karystalnikam OnlyFans pahražaje turma
Z 1 lipienia ŭ Šviecyi ŭstupaje ŭ siłu novy zakon, jaki pryraŭnoŭvaje apłatu seksualnych dziejańniaŭ u internecie da nabyćcia seksu ŭ realnym žyćci. Karystalnikaŭ OnlyFans i padobnych płatformaŭ, jakija zamaŭlajuć intymnyja šou u žyvym efiry, budzie čakać kryminalnaja adkaznaść.
Parłamient Šviecyi pryniaŭ novy zakon, jaki pryraŭnoŭvaje kuplu seks-šou ŭ internecie da apłaty seksu z prastytutkaj.
Pa novych praviłach zabaraniajecca apłačvać seksualnyja dziejańni, jakija vykonvajucca pa indyvidualnym zapycie — naprykład, u farmacie «pakažy heta, zrabi toje». Klučavoje adroźnieńnie — «piersanalizacyja» kantentu.
Prahlad i apłata papiarednie zapisanaha kantentu dla darosłych zastanucca zakonnymi.
Taksama pad zabaronu traplaje nie tolki kupla anłajn-seksu, ale i sadziejničańnie: dapamoha ŭ prasoŭvańni, arhanizacyja padobnych pasłuh i navat arenda žylla dla hetaha moža rasceńvacca jak saŭdzieł.
Asabliva tryvožyć seks-rabotnikaŭ pałažeńnie pra «trecija baki»: ciapier, naprykład, partnior madeli moža być abvinavačany ŭ suteniorstvie, kali jana pracuje ź ich supolnaha domu.
Šviecyja z 1999 hoda prytrymlivajecca tak zvanaj «paŭnočnaj madeli» (Nordic Model): kupla seksu karajecca turemnym źniavoleńniem terminam da adnaho hoda, a prodaž — nie. Taki padychod zasnavany na idei, što pradaŭcy seksualnych pasłuh (u asnoŭnym žančyny) niaredka akazvajucca va ŭraźlivym stanoviščy, tady jak kupcy (u asnoŭnym mužčyny) — hałoŭnyja vinavatyja ŭ ekspłuatacyi. Turemnym źniavoleńniem terminam da 4 hadoŭ pa šviedskich zakonach karajecca i sutenior.
Ale z raźvićciom internetu miežy pamiž afłajnam i anłajnam ścierlisia. Mnohija spažyŭcy zaraz addajuć pieravahu intymnamu ŭzajemadziejańniu ŭ ličbavym farmacie, što pryviało da nieabchodnaści «ličbavaj madernizacyi» zakona.
«Heta novaja forma kupli seksu, i nam treba, kab zakony išli ŭ nahu z technałahičnym prahresam», — cytujuć ŚMI zajavu deputata ad Sacyjał-demakratyčnaj partyi Terezy Karvalja (Teresa Carvalho).
Prychilniki zakonu śćviardžajuć: kali seksualnaje dziejańnie zabaroniena ŭ realnaści, to jano pavinna być zabaroniena i ŭ internecie. Na ich dumku, anłajn-kantent moža stać darohaj da bolš niebiaśpiečnych formaŭ ekspłuatacyi i navat da handlu ludźmi.
Niekatoryja šviedskija palityki ličać, što zakon — tolki pačatak. Asobnyja deputaty zaklikajuć da poŭnaj zabarony płatformaŭ typu OnlyFans i ŭviadzieńnia ŭzrostavych abmiežavańniaŭ na pornasajtach, kab abaranić dziaciej ad škodnych materyjałaŭ.
Jak piša šviedskaje vydańnie The Local, były palicyjant, a ciapier deputat-libierał Marcin Mielin (Martin Melin) adznačyŭ u parłamiencie, što sačyć za vykanańniem novaha zakona budzie składana:
«Ja pakul nie razumieju, jak palicyja zmoža heta dakazvać. Ale niachaj heta budzie hałaŭnym bolem prakuratury».
Zakon atrymaŭ šyrokuju padtrymku parłamientaryjaŭ i nabyvaje moc 1 lipienia 2025 hoda. Ciapier apłata indyvidualnych seksualnych pasłuh u internecie — naprykład, žyvych tranślacyj z vykanańniem kankretnych dziejańniaŭ pa zamovie — budzie razhladacca jak nabyćcio seksualnych pasłuh i karacca pazbaŭleńniem voli terminam da adnaho hoda. Taksama pad adkaznaść traplajuć tyja, chto spryjaje takoj dziejnaści abo atrymlivaje ź jaje prybytak — im moža pahražać da dziesiaci hadoŭ turmy.
Apytanka
Ciapier čytajuć
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ14
Kamientary
Budziecie brać kamientar?
Šviecija nachoditsia v sieŕjeznoj stadii diehradacii. To jesť sažať, po ich łohikie, nado nie prodavcov narkotikov, a tiech kto ich potrieblajet.