Suzasnavalnik Tut.by Vałošyn raskazaŭ pra toje, ci moh partał pajści pa inšym šlachu ŭ 2020-m

«U asnoŭnym heta była idejna kancepcyja Juryja Anatoljeviča Zisiera. Pieršapačatkova my hladzieli na dośvied Yahoo. (…) Ale my hladzieli heta jak na prajekt, i, naturalna, nie mierkavali, što budzie takaja papularnaść, što my budziem lidarami, što ŭvohule kolkaść karystalnikaŭ vyraście z umoŭnych, nie viedaju, 100-200 tysiač u 2000 hodzie da, pa sutnaści, usich, 8-9 miljonaŭ. (…)

Heta było for fun. Zrazumieła, u nas byli niejkija ambicyi pa naviedvalnaści, pa adkryćci tych ci inšych raździełaŭ, ale nijakich padstaŭ stać pieršymi adrazu nie było», —

dziela zabavy

zhadvaje suzasnavalnik Kirył Vałošyn u novym vypusku jutub-prajekta «Pieratrom z Chalezinym».

Pa jaho słovach, na momant zasnavańnia Tut.by isnavali prajekty z našmat bolšymi inviestycyjami.

Pavialičyć

Kirył Vałošyn. Skryn videa: freekuhar / YouTube

U sam prajekt, pa acenkach Vałošyna, na toj momant było ŭkładziena kala 20 tysiač dalaraŭ. Jany pajšli na raspracoŭku dyzajnu paštovaj sistemy i samoha partała.

«U nas byŭ adzin siervier, na jakim kruciłasia ŭsio — i pošta, i forumy, i ŭsio astatniaje», — dzielicca ŭspaminami Vałošyn. Sam jon pačynaŭ pracavać za 70 dalaraŭ u miesiac. Zatym — u pieršyja hady — «za 70 dalaraŭ i dolu».

Pieršapačatkova zasnavalnik płanavali, što ich prajekt budzie pryvablivać ludziej mienavita jak paštovy siervier, ale ŭ chutkim časie vyśvietliłasia, što karystalnikaŭ pryciahvała i padborka navin. Paźniej dadalisia błoki — praca, forumy, finansy, afiša. I ŭsio heta stvarała trafik.

Pierałomnym momantam u raźvićci redakcyi Tut.by staŭ 2010 hod, kali stała vidavočna, što klučavym faktaram pryciahnieńnia aŭdytoryi stali nie druhasnyja servisy, a mienavita ŭłasny, aryhinalny žurnaliscki kantent, jaki stvaraŭsia redakcyjaj pad kiraŭnictvam Maryny Zołatavaj.

«Pa sutnaści, my pierastali kuplać, brać, kapiravać naviny. Bolšaja častka navin była samapisnaja, stvarałasia chutka, jakasna», — kaža Vałošyn.

Biznesmien zhadvaje, što Tut.by kankuryravaŭ z partałam Onliner «u častcy niekatorych raździełaŭ, (…) u tym liku pa niekatorych pytańniach navin (…) — chto chutčej apublikuje i ŭ kaho chutčej vyraście [kolkaść prahladaŭ]. My taksama sprabavali na zub niekalki razoŭ nišu e-commerce».

Zrazumieła, što ŭ pracy redakcyi byli situacyi, jakija «razdražniali i adzin bok, i druhi». U takich vypadkach asablivuju rolu adyhryvaŭ Juryj Zisier. Jon, jak bolš vopytny i starejšy čałaviek, umieŭ razrulvać kanflikty.

Pavialičyć

Vałošyn pryznaje, što byli vypadki, kali redakcyi davodziłasia «iści na ździełku z sumleńniem ci na ździełku z uładaju, kab nie być prykrytymi». Ale tłumačyć, što ich «było, jak palcaŭ na adnoj ruce».

Jon kaža, što ŭ žurnalisckaj supolnaści isnavała pavaha da taho, jak redakcyja pavodziła siabie — dalikatna, strymana, prafiesijna.

Pavialičyć

Vałošyn kaža, što ničoha nie viedaje pra prapanovy pradać partał, a na pytańnie, ci možna było niejkim čynam zaścierahčysia ad niebiaśpieki ŭ 2020 hodzie, adkazvaje:

«My nie mahli zastacca ŭ tym ža samym raskładzie, my nie mahli (…) pajści suprać sumleńnia, pryncypaŭ i ŭsiaho astatniaha. Mahčyma, zastaŭsia b partał, ale syšła b usia žurnalisckaja, bolšaja častka redakcyi. (…)

Ja nie ŭjaŭlaju situacyju, u jakoj my b pajšli na ździełku z sumleńniem i (…) pierastavali pisać pra pratesty, pra źbićcio, pra hvałt, pra ŭsio astatniaje. (…) Ahułam, my i raniej razdražniali voka. Ale zrazumieła, što 2020 hod kančatkova hety mazol razadraŭ».

Nahadajem, što zasnavalnik partała Tut.by Juryj Zisier pamior paśla ciažkaj chvaroby 17 maja 2020 hoda, a sam partał byŭ źniščany ŭładami ŭ mai 2021 hoda. Častka kiraŭnictva była aryštavanaja, hienieralnaja dyrektarka partała Ludmiła Čekina i hałoŭnaja redaktarka Maryna Zołatava ŭ sakaviku 2023 hoda byli asudžanyja na 12 hadoŭ źniavoleńnia. Supracoŭniki, jakim udałosia vyjechać za miažu, stvaryli novy prajekt «Lusterka», jaki pradoŭžyŭ tradycyi partała.

• 2
• 1
• 1
• 2
• 0
• 5
• 0
• 0