Viačorka: Prajekt «Pašparta novaj Biełarusi» praciahvajuć i namieranyja davieści da kanca
Zajaŭki na Nacyjanalny biełaruski pašpart pačali prymać 26 studzienia, ale daty jaho šyrokaj vydačy pakul niama: jašče vydajuć tolki testavyja ekzemplary. Ale prajekt nie zakinuty, zapeŭnivaje Franak Viačorka, pieradaje «Biełsat».
Na IV Kanfierencyi biełarusaŭ i biełarusak śvietu, jakaja prachodzić u Varšavie 23—25 traŭnia, možna było pabačyć rekłamu prajektu Nacyjanalnaha pašparta Biełarusi, jaki ŭ narodzie nazyvali «Pašpartam novaj Biełarusi». Udzielniki i hości kanfierencyi mahli zaŭvažyć tečki ź infarmacyjaj pra Pašpart novaj Biełarusi, a taksama QR-kod sa spasyłkaj na zamovu dakumientu. Zajaŭki na jaho atrymańnie pačali prymać jašče čatyry miesiacy tamu, 26 studzienia, ale masavaj vydačy pakul nie pačali.
Pakul byli vydadzienyja tolki testavyja asobniki «Pašparta novaj Biełarusi», raskazaŭ na kanfierencyi Franak Viačorka, hałoŭny daradca Śviatłany Cichanoŭskaj. Prajekt pieranieśli ź Litvy «z roznych pryčyn».
«Kab skazać pra niejkuju masavuju, publičnuju, aficyjnuju vydaču, pakul heta jašče nie hatova, — kaža Viačorka. — U pieršuju čarhu — ź lehalnych, jurydyčnych pryčyn. Ale vy možacie zarehistravacca na piłotnuju prahramu. My hety prajekt praciahvajem, my jaho daviadziom da kanca».
U jakuju krainu pieranieśli prajekt, jon nie ŭdakładniŭ. Raniej, kali kazali pra pieranos prajektu, krainu taksama nie nazyvali.
Viačorka adznačyŭ, što prajekt maje «vielmi šmat vyklikaŭ, ale i vielmi vialikija pierśpiektyvy». Jon dadaŭ, što nie varta čakać imhniennaha pryznańnia pašpartu inšymi krainami abo taho, što pašpart «vyrašyć usie prablemy».
«Pašpart novaj Biełarusi», patłumačyŭ jon, heta doŭhaterminovaje rašeńnie, jakoje suisnuje z «apieratyŭnymi taktyčnymi» rašeńniami: pryznańniem praterminavanych pašpartoŭ Respubliki Biełaruś, vydačaj biełarusam pašpartoŭ zamiežnika i vidaŭ nad žycharstvam.
Demakratyčnyja siły pracujuć paralelna nad hetymi rašeńniami i «Pašpartam novaj Biełarusi» — jaho vytvorčaściu, vydačaj i pryznańniem. Prasoŭvać prajekt mohuć taksama narodnyja ambasady.
Zacikaŭlenych u atrymańni «Pašpartu novaj Biełarusi» Viačorka zaklikaŭ rehistravacca na sajcie prajekta — tyja, chto zarehistravaŭsia, buduć atrymlivać naviny prajekta.
Zajaŭki na «Pašpart novaj Biełarusi» pačali prymać 26 studzienia 2025 hoda. Abvieščany košt — 97 jeŭraŭ.
Vyrab «Pašparta novaj Biełarusi» płanavaŭsia ŭ Litvie, adnak u studzieni Hienieralnaja prakuratura krainy vysłała list Biełaruskamu pašpartnamu centru, jaki možna ŭspryniać jak pahrozu kryminalnaj adkaznaściu za vyrab i vydavańnie pašpartoŭ, pakul hetyja dakumienty nie buduć pryznanyja ŭ vyznačanym zakonam paradku. Ministr unutranych spraŭ krainy Uładzisłaŭ Kandratovič kazaŭ, što «na hety momant u MUS nie bačać padstavaŭ» pryznavać pašpart novaj Biełarusi dakumientam, dziakujučy jakomu vydavaŭsia b vid na žycharstva, abo dakumientam padarožnika ci pašpartam zamiežnika.
Šerah prablem z vytvorčaściu i pryznańniem pašpartu ŭžo ŭdałosia vyrašyć, raskazvaŭ raniej Viačorka. Tak, udałosia vyrašyć pytańni z elektronnaj bazaj, kab jana adpaviadała jeŭrapiejskamu rehłamientu abarony piersanalnych źviestak (GDPR). Techničnaja baza hatovaja, užo pačali testavać indyvidualna, jak jana pracuje z asobnymi ludźmi.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
- a my i budiem, miedlenno i piečalno