«Sistema praviadzieńnia ŭstupnaj kampanii ŭ VNU i ekzamienaŭ u škołach pavinna pierakonvać ludziej u spraviadlivaści», — zajaviŭ siońnia Alaksandr Łukašenka zajaviŭ, zasłuchoŭvajučy dakład pa ŭstupnaj kampanii, piša BiełTA.
Na dakład da Łukašenki pryjšli vice-premjer Natalla Piatkievič, jakaja ŭznačalvaje dziaržaŭnuju kamisiju pa kantroli za chodam padrychtoŭki i praviadzieńnia ŭstupnaj kampanii, pieršy namieśnik kiraŭnika Administracyi Uładzimir Piarcoŭ, ministr adukacyi Andrej Ivaniec i staršynia KDK Vasil Hierasimaŭ
«Prosta treba baćkam i abituryjentam razumieć, što ŭsio budzie sumlenna. Nie treba iści na niejkija chitryki. Prychodzić u aŭdytoryju dla zdačy ekzamienaŭ treba sa svaimi viedami. Viedańnie plus udača — i budzieš vučycca ŭ VNU. Prynamsi, kali niejkaja vypadkovaść, my, Natalla Uładzimiraŭna, padumajem nad tym, kab hetych vypadkovaściaŭ paźbiehnuć. I kali niešta zdarycca, my pavinny heta bačyć — pahladzieć na tych ludziej, jakija, moža, da nas źviernucca, kab my jašče raz pahladzieli na ich viedy. Napeŭna, dzieści kahości stracim. Ale stračvać my nie pavinny. Nie treba ŭ hetaj situacyi pakryŭdzić siemji i, samaje hałoŭnaje, maładoha čałavieka, jaki stanovicca na narmalny žyćciovy šlach», — zapatrabavaŭ Łukašenka.
Jon, u pryvatnaści, pacikaviŭsia, jak prajšoŭ centralizavany ekzamien i ci apraŭdała siabie hetaje novaŭviadzieńnie. «Kali apraŭdała, to ŭ čym? Tolki ščyra. Kali dzieści pamylilisia, treba hetuju situacyju vypraŭlać. Ni ŭ jakim razie jaje nielha retušyravać, bo heta vielmi surjoznaja sprava», — padkreśliŭ jon.
Jak było paviedamlena, ustupnaja kampanija ŭ hetym hodzie nie źviedała značnych źmienaŭ i prachodzić pa ŭstalavanym ałharytmie.
«Ale isnuje, choć i nievialiki (adzin z pałovaj — dva pracenty), niedabor na biudžetnyja miescy. My pavinny prymać miery, kab hetyja miescy byli zaniatyja. My ž rychtujem za košt biudžetu tych śpiecyjalistaŭ, jakija vielmi patrebnyja dla narodnaj haspadarki. Minadukacyi, urad — jak u hetym napramku pracujecie? Što zrabili i što treba zrabić?» — spytaŭ Łukašenka.
Jon nahadaŭ pra patrabavańnie zabiaśpiečyć prazrystaść ustupnaj kampanii. Pavodle jaho słoŭ, važna nie stracić mahčymaść ubačyć kožnaha abituryjenta.
«Šmat pra heta havorym. Heta ŭsio dobra — centralizavanyja ekzamieny, teściravańnie i inšaje. Ale my sami pamiatajem praces zdačy ekzamienaŭ i stanoŭča aceńvajem, kali vykładčyk i abituryjent siadziać adzin nasuprać adnaho, i vykładčyk bačyć hetaha abituryjenta. Ci ŭsio zroblena dla hetaj prazrystaści? Heta hałoŭny elemient spraviadlivaści», — dadaŭ Alaksandr Łukašenka.
Ciapier čytajuć
Połk Kalinoŭskaha paviedamiŭ pra hibiel troch bajcoŭ2
Kamientary