$5000 za mietr. U Minsku źjaviŭsia premijalny dom, jaki pa canie pieraplunie navat Depo
Havorka pra adzin z damoŭ, jaki budujecca ŭ kvartale «Kamfort Park». Vizualna jon adroźnivajecca ad svaich tavaryšaŭ i sapraŭdy vyhladaje davoli raskošna. Načyńnie ŭnutry taksama adpaviednaje. Infarmacyja pra canu mietra, płaniroŭki i start prodažaŭ u hetym sakretnym abjekcie nie raskryvajecca dla šyrokaj publiki, adnak usio heta lohka možna daviedacca, tolki patelefanavaŭšy ŭ adździeł prodažaŭ, što zrabiła vydańnie «Anłajnier».
Dom pad numaram 6 źjaŭlajecca častkaj žyłoha kompleksu «Kamfort Park», jaki znachodzicca na skryžavańni vulic Cimirazieva, Panfiłava, Hrybajedava i Tatarskaj. Uźviadzieńnie kvartała pačałosia ŭ 2019 hodzie bieź lišniaha šumu i markietynhavych vykrutasaŭ. Zabudoŭščykam vystupaje hrupa kampanij «Strominviest».
Z dastupnaj infarmacyi pra premijalny dom majucca tolki takija danyja, ahučanyja pradstaŭnikom zabudoŭščyka:
«Dom № 6 adnosicca da katehoryi «premium+». Prodažy kvater pačnucca tolki paśla zaviaršeńnia ŭsich rabot. Prodažy projduć u zakrytym farmacie, bo ŭžo jość sfarmavany list čakańnia».
Premijalnaść apraŭdvajecca nastupnymi paramietrami: padziemny parkinh, kruhłasutačny kanśjerž, usiaho try kvatery na placoŭcy, panaramnyja vokny, vyšynia stolaŭ 3, 9 mietra, płoščy kvater ad 110 da 220 «kvadrataŭ», terasy.
«Anłajnier» patelefanavaŭ u adździeł prodažaŭ i atrymaŭ infarmacyju: pryblizny košt mietra ŭ šostym domie — $5000. Ciapier farmujecca list čakańnia. Prodažy startujuć u kancy leta.
Pa hrubych padlikach, samaja tannaja kvatera abyjdziecca ŭ $550 000, a samaja darahaja — $1 100 000. Dakładnyja ceny buduć viadomyja tolki samim pakupnikam.
Status samaha darahoha žyłoha kompleksu ŭ Minsku raniej naležaŭ Depo. Tam žyllo pradajecca ad $3600 da $4000 za mietr.
«Smurod taki, što niemahčyma dychać». Dom u «Minsk-Śviecie» try dni zalivała kanalizacyjaj
Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ
Tajamnica 11-ha paviercha: u adnym ź minskich šmatpaviarchovikaŭ jość kvatera biez susiedziaŭ i z asabistaj terasaj
U adnoj ź viežaŭ «Bramy Minska» zdajecca dvuchuzroŭnievaja kvatera z šykoŭnaj terasaj
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu25
Kamientary