Płatforma Kufar budzie pa-novamu zdymać kamisiju za braniravańni
Servis «Kufar Padarožžy» mianiaje praviły pracy dla tych, chto zdaje žyllo na sutki. Ciapier kamisiju z arendadaŭcaŭ buduć zdymać tolki tady, kali hość u pamiaškańnie sapraŭdy pasialiŭsia, a paśla vyjechaŭ, piša Office Life.
Novaja sistema składajecca z dvuch častak. Pieršaja — štomiesiačnaja abanienckaja płata: 5 rubloŭ dla samazaniatych i 20 rubloŭ dla IP i jurydyčnych asob. Pamier nie zaležyć ad kolkaści abjaŭ u akaŭncie. Druhaja častka — kamisija 8%, jakaja budzie śpisvacca praz sutki paśla vyjezdu hościa. Pry hetym kamisija dziejničaje tolki dla novych braniravańniaŭ, zroblenych užo ŭ miežach abnoŭlenych umoŭ.
Pierachod adbudziecca pastupova. Paśla zakančeńnia dziejańnia staroj damovy arendadaŭca pavinien budzie padpisać novuju — užo z kamisijnaj madellu. Samazaniatym nieabchodna mieć na bałansie nie mienš za 40 rubloŭ. Kali abjaŭ niekalki, jany buduć pieravodzicca na novyja praviły adna za adnoj pa miery zakančeńnia ich biahučaha raźmiaščeńnia. Dla IP i jurasob pry padpisańni novaj damovy spahaniajecca 20 rubloŭ — heta apłata za pieršy miesiac. Dalej płacić treba budzie kožny miesiac da 15‑ha čysła.
U «Kufry» padkreślivajuć, što ciapier arendadaŭca płacić tolki za realny vynik — kali hość sapraŭdy ŭ jahonym pamiaškańni žyŭ. Heta pavinna źnizić ryzyki i zrabić płatformu bolš matyvavanaj pryvodzić jakasnych klijentaŭ.
U kabiniecie arendadaŭcy źjaviŭsia raździeł «Bałans» — tam možna hladzieć historyju apieracyj, sačyć za stanam rachunku i papaŭniać jaho kartkaj abo praz ARIP. Placoŭka budzie paviedamlać, kali srodkaŭ stanovicca mała. Płanujecca i aŭtapapaŭnieńnie.
Pry novaj madeli numar telefona hościa adkryvajecca arendadaŭcu tolki paśla taho, jak jon paćvierdzić braniravańnie. Da hetaha ŭsia pierapiska idzie praz ubudavany miesiendžar «Kufra». Pieradavać kantakty, hieadanyja abo spasyłki na inšyja miesiendžary nielha — dziela biaśpieki i prazrystaści.
Ceny na kvatery ŭ centry Hrodna rastuć šalonymi tempami. I voś čamu
«Jak zvyčajnamu čałavieku źniać sabie kvateru, kali tam ceńnik — 900, 1200?» U jakim horadzie Biełarusi arandavać žyllo tańniej za ŭsio
Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić
«300 baksaŭ — za kvateru davajennaha času?» Biełaruska aburyłasia cenami na arendu kvater u Minsku
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary