Adnak jon pamior čatyry hady tamu ŭ škłoŭskaj kałonii.
Pieršy raz Vitolda zatrymali 9 žniŭnia 2020 hoda i asudzili na 20 sutak administracyjnaha aryštu: na 15 — za ŭdzieł u mierapryjemstvie i jašče na 5 — za niepavahu da suda, bo jon nie ŭstaŭ, kali zajšoŭ sudździa, nahadvaje «Viasna».
19 vieraśnia 2020-ha hodu Ašurak byŭ zatrymany spačatku na sutki, a praź miesiac za kratami — i pavodle kryminalnaj spravy. Sudździa Maksim Fiłataŭ asudziŭ jaho da 5 hadoŭ kałonii za ŭdzieł u paślavybarčych pratestach.
21 traŭnia 2021-ha hoda Vitold pamior u škłoŭskaj kałonii № 17. Aficyjnaja pryčyna śmierci — spynieńnie serca. Adnak jaho svajaki śćviardžali: da źniavoleńnia prablem sa zdaroŭjem u Vitolda nie było. Paśla jaho śmierci Śledčy kamitet apublikavaŭ videa, na jakim palitviazień ledź staić na nahach.
Jaho cieła pieradali z zabintavanaj hałavoj. Spravu pa fakcie śmierci nie zaviali dahetul.
Vitold musiŭ vyjści na svabodu siońnia — 9 červienia 2025 hoda.
Kamientary