Brescki abłvykankam znoŭ patraciŭ biudžetnyja hrošy na draŭlanyja skulptury zubroŭ. Hetym razam było nabyta 20 fihurak ručnoj raboty ź lipy na ahulnuju sumu amal 7 tysiač rubloŭ — prykładna 347 rubloŭ za adnaho zubra. Padobnyja, ale bolšyja skulptury abłvykankam užo kuplaŭ u červieni 2024 hoda — tady za šeść zubroŭ addali bolš za 4,5 tysiačy rubloŭ, piša BG.Media.
Zhodna z dakumientami tendaru, skulptury majuć 20 sm u vyšyniu i 22 sm u daŭžyniu, zroblenyja jany ź lipy i afarbavanyja ŭ karyčnievyja adcieńni.
Dla čaho nabyvajuć zubroŭ — aficyjna nie tłumačycca, ale, miarkujučy pa papiarednim vopycie, chutčej za ŭsio ich buduć daryć haściam abo raźmiaščać u kabinietach čynoŭnikaŭ.
Tak, naprykład, adnaho z zubroŭ padaryli rasijskamu baksioru Dźmitryju Pirahu, inšyja byli pieradadzienyja Pałacu Niezaležnaści.
U budynku abłvykankama ŭžo jość niekalki vitryn ź fihurkami zubroŭ, a ciapierašni staršynia Piatro Parchomčyk, jak i jahony papiarednik Juryj Šulejka, źbiraje takuju kalekcyju.
U krasaviku 2025 hoda na try novyja vitryny dla hetaj kalekcyi vydatkavali jašče bolš za 18 tysiač rubloŭ.
Takim čynam, kupla draŭlanych zubroŭ za dziaržaŭny košt u Breście praciahvajecca — skulptury stanoviacca častkaj tradycyi i svojeasablivaj «vizitoŭkaj» miascovaj ułady.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary