Daktary raskazali, adkul biełarusy pryvoziać na radzimu niebiaśpiečnyja infiekcyi
Biełaruskija turysty paśla adpačynku ŭ trapičnych krainach — takich jak Maldyvy, Šry-Łanka i Indaniezija z vostravam Bali — mohuć viartacca dachaty ź infiekcyjami, takimi jak malaryja i lichamanka denhie. Pra heta raskazała epidemijołah Anastasija Laškievič padčas pres-kanfierencyi ŭ Nacyjanalnym pres-centry, piša «Kamsamolskaja praŭda».
Doktarka padkreśliła, što hetyja zachvorvańni dla Biełarusi vialikaj niebiaśpieki nie ŭjaŭlajuć, bo ŭ krainie niama pieranosčykaŭ (kamaroŭ), zdolnych raspaŭsiudžvać infiekcyi, a klimat dla ich zanadta chałodny.
Pavodle słoŭ śpiecyjalistaŭ, vypadki zavozu zachvorvańniaŭ u Biełaruś rehistrujucca ŭsio čaściej. Asabliva časta zavoziać malaryju — kala 10 vypadkaŭ u hod. Hetyja zachvorvańni majuć doŭhi inkubacyjny pieryjad, i čałaviek časta pačynaje adčuvać siabie kiepska ŭžo paśla viartańnia z padarožža.
Prafiesar Siarhiej Žavaranak adznačyŭ, što vypadki malaryi mohuć praciakać vielmi ciažka i navat zakančvacca śmierciu, ale ŭ 2025 hodzie, na ščaście, takich vypadkaŭ nie było.
Taksama čas ad času ŭ nas fiksujucca vypadki hiepatytu A. Heta mienš niebiaśpiečnaja chvaroba, ale pry jaje zavozie mohuć uźnikać łakalnyja ačahi zaražeńnia.
Jak adroźnić časovaje vypadzieńnie vałasoŭ ad abłysieńnia? Tłumačyć trychołah
Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema
Šeść bujnych abjektaŭ achovy zdaroŭja płanujuć uvieści ŭ stalicy ŭ hetym hodzie
«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu
Raspracavany pieršy za 50 hadoŭ antybijotyk suprać śmiarotnaj supierbakteryi
Kamientary