Alina Charysava: Ja havaryła pra palityku, ale što bolš za ŭsio ŭraziła niekatorych mužčyn? Pravilna. Holfy
Palitołah Alina Charysava vystupała na niadaŭniaj kanfierencyi Reshape biełaruskaha «Centru novych idej». Niekatoryja kamientary dali joj nahodu parazvažać pra ŭsprymańnie žančyn u palitycy.
«Na vychodnych vystupiła na kanfierencyi Reshape ad Centra novych idej. Havaryła pra Biełaruś: pra budučyniu, pra bol, pra hałoŭnyja ŭroki apošnich piaci hadoŭ.
Ale što ž bolš za ŭsio ŭraziła niekatorych mužčyn u kamientarach? Pravilna. Holfy.
Nieadnarazova było mnoj pračytana abo pačuta «kłasnyja pančoški»… Dziakuj, što pasłuchali, chłopcy.
Časam zdajecca, što niekatoryja da hetaha času nie zrazumieli: žanočaje cieła ŭ palitycy — heta nie zaprašeńnie da abmierkavańnia jaho detalaŭ.
Tak, ja lublu styl. I tak, ja mahu vystupać u holfach, špilkach abo krasoŭkach — i ŭsio roŭna kazać pra hieapalityku, pra mižnarodnaje prava, pra daśledavańni.
Palityka — nie dla «mužčynskaha kłuba».
I nie dla tych, chto błytaje scenu z tyndaram.
A kali holfy pryciahvajuć vas bolš, čym pramova vystupoŭcaŭ — mahčyma, vy nie tudy pryjšli. U nastupny raz raju addavać pieravahu kursam pa pałavym vychavańni», — napisała Alina Charysava ŭ fejsbuku.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary