Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ
Pa infarmacyi «Našaj Nivy», vizit moža adbycca ŭ piatnicu, 20 červienia.
Śpiecyjalny pradstaŭnik prezidenta ZŠA pa pytańniach Ukrainy Kit Kiełah płanuje ŭ najbližejšyja dni naviedać Biełaruś, kab sustrecca z Alaksandram Łukašenkam, paviedamlaje Reuters sa spasyłkaj na čatyry krynicy.
Pavodle słoŭ dźviuch krynic, dakładny paradak dnia sustrečy nieviadomy, chacia Kiełah u pryvatnych razmovach nazvaŭ hetuju pajezdku krokam, jaki moža dapamahčy zapuścić praces mirnych pieramoŭ pa spynieńni vajny Rasii suprać Ukrainy.
Dziarždep ZŠA i pasolstva Biełarusi ŭ Vašynhtonie admovilisia ad kamientaroŭ. Kiełah i Bieły dom nie adkazali na zapyty pra kamientary.
Reuters adznačaje, što płanavańnie padobnych pajezdak patrabuje pilnych pieramovaŭ, i nie vyklučana, što jana moža być skasavanaja abo źmienienaja ŭ apošni momant.
Pa infarmacyi «Našaj Nivy», vizit moža adbycca ŭ piatnicu, 20 červienia. Z nahody pryjezdu amierykanskaha pradstaŭnika, jak čakajecca, budzie vyzvalenaja hrupa palitviaźniaŭ.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu29
Kamientary