«Biełtelekam» praviadzie pieršy za 30 hadoŭ rebrendynh. Jak vam?
Biełaruski telekamunikacyjny apieratar «Biełtelekam» moža pravieści rebrendynh. Jak daviedaŭsia Office Life, u kancy maja kampanija padała ŭ Nacyjanalny centr intelektualnaj ułasnaści zajaŭki na rehistracyju čatyroch tavarnych znakaŭ.
Tak, adzin z tavarnych znakaŭ ŭjaŭlaje saboj nazvu kampanii na ruskaj movie z abnoŭlenym łahatypam.
Apošni ž tavarny znak ujaŭlaje saboj abrevijaturu «BTK» taksama z abnoŭlenym łahatypam.
Charakterna, što «Biełtelekam» vyrašyŭ zarehistravać novyja tavarnyja znaki praktyčna va ŭsich kłasach tavaraŭ i pasłuh. Vyklučeńnie — 25-y kłas tavaraŭ. Jon uklučaje ŭ siabie, naprykład, adzieńnie i abutak, maskaradnyja kaściumy, hałaŭnyja ŭbory.
Sioleta «Biełtelekam» adznačaje 30-hodździe. Kampanija była stvorana ŭ pačatku lipienia 1995 hoda. Mahčyma, heta i pasłužyła pryčynaj rebrendynhu.
Na sajcie kampanii visić banier, jaki kaža, što «Biełtelekamu» 30 hadoŭ i heta «vydatny momant dla abnaŭleńnia».
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie9
Kamientary