U Minsku pastavili bronzavy pomnik kačcy, jakaja letaś stała lubimicaj stalicy
Letaś kačka vysiedžvała jajki prosta na kłumbie kala ofisa Śbier Banka na praśpiekcie Niezaležnaści kala cyrka.
Naprykancy traŭnia minułaha hoda kačka źniesła jajki na kłumbie kala budynka Śbier Banka (hety toj budynak, dzie raniej płanavałasia zrabić hatel «Kiempinski») i pačała ich hadavać. Kab joj nie pieraškadžali, terytoryju abnieśli stužkaj.
Paśla taho kačcy kožny dzień prynosili korm. Kali šeść kačaniat vyłupilisia, maci adpraviłasia ź imi da raki Śvisłačy, kab navučyć płavać.
Roliki z kačkaj sabrali miljony prahladaŭ u sacsietkach. Zdajecca, što za jaje losam naziraŭ uvieś Minsk. Za ptuškaj zamacavałasia narodnaja mianuška ŚbierUtka, choć u samim banku joj dali inšaje imia — Kapiejka.
Śbier Bank navat abviaščaŭ konkurs na najlepšy prajekt pomnika.
Ciapier jon źjaviŭsia — fotazdymak apublikavaŭ błohier Kakabaj. Pomnik — z bronzy, jak piša błohier, na jaho pajšło 20 kh materyjału.
Kamientary