AŭtaVAZ pakazaŭ novy krasovier Lada Azimut. Što za jon i kali budzie ŭ prodažy
U Biełarusi aŭtamabili Lada — siarod samych pradavanych.
Biez zadniaha pryvadu
Novy parkietnik ad Lada atrymaŭ nazvu Azimut. Madel pabudavanaja na dapracavanaj płatformie Vesta. Čakajecca, što Lada Azimut źjavicca ŭ prodažy ŭ 2026 hodzie.
Navinku pakazali ŭ ramkach Pieciarburhskaha mižnarodnaha ekanamičnaha forumu.
Aŭtamabil budzie dastupny z matorami 1,6 i 1,8 litra mahutnaściu 120 i 132 k.s. adpaviedna. Na vybar jość miechaničnaja karobka i varyjatar.
Admietna, što parkietnik budzie tolki ŭ viersii z pryvadam na piarednija koły, pakolki płatforma Vesta, na jakoj pabudavana aŭto, nie praduhledžvaje mahčymaści vypuskać madel z poŭnym pryvadam.
Zhodna ź insajdarskaj infarmacyjaj, navinka budzie kaštavać kala 2,5 miljona rasijskich rubloŭ, što pryblizna 32 tysiačy dalaraŭ pa aktualnym kursie. U Biełarusi cana, mierkavana, budzie nižejšaj, bo ŭsie aŭtamabili marki Lada ŭ nas kaštujuć tańniej, čym u Rasii.
Nie pieršaja sproba pačać vypusk novaha krasoviera
Adznačym, što heta ŭžo druhaja sproba AŭtaVAZa zapuścić novuju madel parkietnika ciaham apošnich hadoŭ. Papiaredniaja akazałasia pravalnaj.
Jašče naprykancy 2023 hoda ŭ prodaž musiŭ pastupić krasovier Lada X-Cross 5, jaki faktyčna byŭ kitajskim FAW Bestune T77, ale rasijskaj zborki i z šyldaj Lada.
«Navinku» pačali źbirać na byłym zavodzie Nissan u Sankt-Pieciarburhu, ale sabrali ŭsiaho 170 ekzemplaraŭ. Tady ŭ rasijan z kitajcami niešta nie zrasłosia: mašyny tak i nie pastupili ŭ volny prodaž, i prajekt byŭ zakryty.
U Lada Azimut paŭtaryć los Lada x-cross 5 šancaŭ nie šmat, bo heta nie «kitajec» sabrany ŭ Rasii pad brendam Lada, a ŭłasnaja raspracoŭka.
Nahadajem, aŭtamabili marki Lada zajmajuć druhi radok pa abjomach prodažaŭ aficyjnymi dylerami ŭ Biełarusi, sastupajučy tolki biełaruska-kitajskim Geely/Belgee.
Ciapier čytajuć
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»10
Kamientary
- Nie čitajtie do obieda sovietskich haziet.
- Tak vied́ druhich niet.
- Vot nikakich i nie čitajtie.