Budzie Pucin, Pašynian admoviŭsia, a prezidenta Irana ŭsio jašče čakajuć. Chto z suśvietnych lidaraŭ pryjedzie ŭ Minsk na nastupnym tydni na JEAES
Ministr zamiežnych spraŭ Maksim Ryžankoŭ raskazaŭ, kaho z suśvietnych lidaraŭ čakajuć u Minsku dla ŭdziełu ŭ mierapryjemstvach Vyšejšaha Jeŭrazijskaha ekanamičnaha savieta i Jeŭrazijskaha ekanamičnaha forumu, piša BiełTA.
Svaju asabistuju prysutnaść na mierapryjemstvie paćvierdzili ŭsie kiraŭniki krain — členaŭ JEAES (Rasii, Kazachstana, Kyrhyzstana), akramia premjer-ministra Armienii. Ale Nikoł Pašynian prymie ŭdzieł u forumie pa videasuviazi.
Što datyčycca krain-nahladalnikaŭ, to ŭ pieryjad praviadzieńnia forumu čakajecca aficyjny vizit u Biełaruś prezidenta Kuby Mihiela Marya Dyjas-Kaniela Biermudesa.
Taksama paćvierdziŭ svoj udzieł prezident Uźbiekistana Šaŭkat Mirzijojeŭ.
Raniej paviedamlałasia i ab płanavanym vizicie prezidenta Irana Masuda Piezieškijana. MZS jašče nie hublaje nadziei. «Pakul jašče my spadziajomsia na aficyjny vizit prezidenta Irana. Choć my razumiejem situacyju, jakaja adbyvajecca ŭ rehijonie, žadajem chutčejšaha ŭrehulavańnia, nadychodu miru na hetaj ziamli. Ale pakul u płanach vizit hetaj delehacyi jość», — skazaŭ Maksim Ryžankoŭ.
Prybyć na forum płanujuć taksama delehacyi Manholii, AAE, Nikarahua, Mjanmy. Apošniaja budzie pradstaŭlena na ŭzroŭni premjer-ministra Min Aun Chłajna.
Na nastupny dzień paśla forumu, 27 červienia, zapłanavana pasiadžeńnie Vyšejšaha Jeŭrazijskaha ekanamičnaha savieta
Jeŭrazijski ekanamičny forum projdzie 26 červienia na bazie Minskaha mižnarodnaha vystavačnaha centra «Biełekspa». Dla ŭdziełu ŭ im užo zarehistravany bolš za 2 tys. čałaviek z 29 krain, piša Biełta.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary