«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»
U efiry ANT pakazali film «Harpun», pryśviečany kiejsu Paŭła Bialucina — byłoha aktyvista «Narodnaj Hramady», jakoha nibyta vymanili ŭ Biełaruś. Zhadali i suviaź Bialucina ź Mikałajem Aŭtuchovičam, na jakoha Bialucin u svoj čas napisaŭ danos.
Pavodle filma, Pavieł Bialucin u 2016-m hodzie dałučyŭsia da ruchu «Razam», jakim kiravaŭ Mikoła Aŭtuchovič.
Ciapierašni lidar «Razam» Viačasłaŭ Siŭčyk zhadvaje, što kali viarnuŭsia ŭ Biełaruś z papiaredniaj emihracyi (a heta było ŭ 2015 hodzie), to Bialucin byŭ kaardynataram ruchu pa rynku Ždanovičy. Pa słovach Siŭčyka, kali Aŭtuchovič u 2016-m pakinuŭ «Razam», to Bialucin syšoŭ razam ź im.
Paśla hetaha Bialucin byŭ siarod paplečnikaŭ Aŭtuchoviča, adnak u 2017-m napisaŭ na jaho danos u KDB. Pry hetym padtrymlivaŭ ź im kantakt i ŭ nastupnyja hady, až da 2020-ha.
Palitołah Siarhiej Marcaleŭ, jaki taksama byŭ paplečnikam Aŭtuchoviča, raskazaŭ «Našaj Nivie», što adbyvałasia dalej.
U 2020-m, kali byli aryštavanyja Aŭtuchovič i jaho siabry, Bialucin taksama prachodziŭ pa kryminalnaj spravie.
Siarhiej Marcaleŭ uzhadvaje, što Bialucin raskazvaŭ inšym pra svajo žorstkaje zatrymańnie pa spravie Aŭtuchoviča: maŭlaŭ, jaho źbivali hubazikaŭcy, patrabavali dać pakazańni suprać Mikoły.
«Adnak paśla hetaha Bialucin byŭ asudžany pa najbolš miakkim varyjancie. Chatniaja chimija [za kamientaryi]. U skład «hrupy Aŭtuchoviča» śledčaja hrupa dvuch viedamstvaŭ jaho nie ŭklučyła. Čamu — mahu tolki zdahadvacca. Chtości ŭ kiraŭnictvie siłavikoŭ vyrašyŭ vyvieści Bialucina z «spravy Aŭtuchoviča» i vykarystać inačaj», — razvažaje Marcaleŭ.
Mikoła Aŭtuchovič atrymaŭ 25 hadoŭ źniavoleńnia.
«Naša Niva» — bastyjon biełaruščyny
PADTRYMAĆPiać mutnych momantaŭ u historyi pra danosčyka Bialucina i «śpiecapieracyju» KDB
Kibierpartyzany: My ŭzłamali sajt KDB pasiarod nočy. Jany za hety čas biehła sabrali naradu i damovilisia, kaho buduć padstaŭlać?
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary