U Minsku kolkaść niemaŭlat skaraciłasia na tracinu proci 2020 hoda
Kali ŭ 2020 hodzie ŭ Minsku naradziłasia zvyš 17 tysiač dziaciej, to ŭ 2024-m kolkaść novanarodžanych pamienšała prykładna na 5 tysiač — da 12 tysiač.
Takija ličby nazvała «Smartpres» zahadčyca 4-j žanočaj kansultacyi 1-j haradskoj kliničnaj balnicy Minska, kiraŭnica haradskoha centra «Ekstrahienitalnaja patałohija i ciažarnaść» Alaksandra Škarupa.
Miedyk pryvodzić i inšuju statystyku pa Minsku: uzrost 60% ciažarnych — ad 30 da 40 hadoŭ, a kolkaść tych, chto čakaje dzicia, sa spadarožnymi patałohijami, za apošnija piać hadoŭ pavialičyłasia amal udvaja.
«Takim čynam, my nazirajem tendencyju da źnižeńnia kolkaści rodaŭ, pavieličeńnia ŭzrostu ciažarnych žančyn i da rostu spadarožnych zachvorvańniaŭ, jakija mohuć uskładniać chod ciažarnaści», — kanstatuje Alaksandra Škarupa.
Raniej Biełstat upieršyniu z časoŭ pandemii apublikavaŭ danyja ab naradžalnaści ŭ Biełarusi. U 2024 hodzie ŭ krainie naradzilisia 58 938 dziaciej — što ŭdvaja mienš, čym było dziesiać hadoŭ tamu (u 2014 hodzie na śviet źjavilisia 118 697 biełarusaŭ).
Ciapier čytajuć
Biełarusu na 100 hadoŭ zabaranili ŭjezd u Rasiju — za ŭdzieł u minskich maršach 2020 hoda4
Kamientary
mn. niemaŭlátam
Vinavalny
kaho? što? niemaŭlá
mn. niemaŭlát
Tvorny
kim? čym? niemaŭlom
>proci 2020 hoda
próci, prynaz.
Razm. Toje, što i suprać. [Maryla:] Što adzin zrobiš proci ŭsich? Nie iduć, moj synok, rečki ŭharu i nie krucicca krylle ŭ vietraku proci vietru. Kupała.
-------------------
I naš asioł za pracu ŭziaŭsia ščyra: Jak možna, vušy svaje šyraj Jon rastapyryŭ, rasprastaŭ I proci sonca staŭ. Krapiva.
-------------------------
U 2020 hodzie ŭ Minsku naradziłasia zvyš 17 tysiač dziaciej.
17 tysiač dziaciej : 270 = 63 dzicionka ŭ paraleli. Heta 2 kłasa pa 31-32 vučnia.
U 2024-m kolkaść novanarodžanych pamienšała prykładna na 5 tysiač — da 12 tysiač.
12 tysiač dziaciej pojduć u škołu praz 6 hadoŭ, u 2030m hodzie.
12 tysiač dziaciej : 270 = 44 vučnia ŭ paraleli. Heta 2 kłasa pa 22 vučnia.