Liniejku ajčynnych płanšetaŭ majuć namier vypuścić da kanca 2025 hoda.
Chołdynh «Haryzont» zapuskaje vytvorčaść biełaruskich płanšetaŭ. Pra heta raskazaŭ namieśnik kiraŭnika departamienta prasoŭvańnia i prodažu AAT «MVAVT» (uvachodzić u skład chołdynhu) Alaksandr Jankoŭski.
«Da kanca hoda płanujem vypuścić liniejku płanšetaŭ. Heta buduć 10-calevyja płanšety ŭ roznych kalarovych rašeńniach — załatyja, siarebranyja, hrafitavyja. Płanšety buduć na bazie Android. Pašyrajem madelny šerah — budziem vyrablać płanšety, abaronienyja ad źniešnich miechaničnych uździejańniaŭ, tamu jany buduć cikavyja roznym śpiecyjalistam. Raźličvajem u tym liku na rasijski rynak», — skazaŭ Alaksandr Jankoŭski.
U 2022 hodzie «Haryzont» pradstaviŭ svoj pieršy noŭtbuk pad nazvaj H-book MAK4, jaki byŭ pazicyjanavany jak «ajčynnaja raspracoŭka». Padčas prezientacyi 1 vieraśnia 2022 hoda Alaksandr Łukašenka prademanstravaŭ jaho, adznačyŭšy, što na toj momant u im było kala 12% biełaruskich kampanientaŭ, z płanami pavialičyć hetuju dolu da 30% da kanca hoda. Adnak ekśpierty, apytanyja «Našaj Nivaj», vykazali sumnievy adnosna hetych ličbaŭ, miarkujučy, što biełaruskaja častka moža abmiažoŭvacca tolki takimi elemientami, jak humovyja nožki abo nalepka z łahatypam «N».
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary