Administracyja prezidenta ZŠA Donalda Trampa atrymała ad Rasii novyja prapanovy pa ŭrehulavańni va Ukrainie. Pra heta na bryfinhu ŭ čaćvier paviedamiła aficyjnaja pradstaŭnica Dziarždepartamienta Temi Brus.
Pavodle jaje słoŭ, novyja idei Kramla byli ahučany na sustrečy dziaržsakratara Marka Rubia i kiraŭnika MZS RF Siarhieja Łaŭrova, jakaja adbyłasia napiaredadni ŭ Małajzii.
«Rasijanie padzialilisia niekatorymi idejami, jakija jon (Rubia) daniasie da prezidenta. I, viadoma, my pahladzim, što jon skaža. Prezident zaŭsiody kiruje rašeńniami takoha rodu», — skazała Brus.
Jana nahadała, što i Rubia, i Tramp rasčaravanyja adsutnaściu prahresu va ŭrehulavańni kryzisu vakoł Ukrainy.
Sam kiraŭnik Dziarždepa, pakidajučy Małajziju, dzie prajšła sustreča z Łaŭrovym, što doŭžyłasia mienš za hadzinu, zaklikaŭ nie čakać šmat ad novych prapanoŭ Kramla.
«Ja b nie nazvaŭ heta čymści, što harantuje mir», — skazaŭ jon.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary