Прэзідэнт ЗША Дональд Трамп заявіў, што кампанія Coca-Cola нібыта пагадзілася выкарыстоўваць сапраўдны трысняговы цукар у напоях, якія прадаюцца ў ЗША. Цяпер у амерыканскіх напоях Coca-Cola звычайна выкарыстоўваецца кукурузны сіроп, які выклікае заклапочанасць у міністра аховы здароўя Роберта Кенэдзі-малодшага. Ён лічыць гэты інгрэдыент шкодным для здароўя, піша Бі-бі-сі.
Трамп напісаў у сваёй сацыяльнай сетцы Truth Social, што дамаўляўся з Coca-Cola аб замене сіропу на трысняговы цукар, і што кампанія згодна на гэта. Прадстаўнік Coca-Cola не пацвердзіў прамую змену рэцэпту, але заявіў, што кампанія ацэньвае «энтузіязм прэзідэнта» і хутка раскажа пра новыя прадукты.
У іншых краінах, напрыклад, у Мексіцы ці Вялікабрытаніі, Coca-Cola ўжо даўно выкарыстоўвае трысняговы цукар. У ЗША ж асноўным падсалоджвальнікам застаецца кукурузны сіроп.
Пераход на трысняговы цукар выклікаў крытыку з боку прадстаўнікоў кукурузнай індустрыі. Яны сцвярджаюць, што гэта прывядзе да страты працоўных месцаў і зніжэння прыбытку амерыканскіх фермераў.
Міністр аховы здароўя ЗША Роберт Кенэдзі, які вядомы сваёй крытыкай інгрэдыентаў у прадуктах і выступае за здаровае харчаванне, плануе змяніць дзяржаўныя харчовыя рэкамендацыі ўжо гэтым летам. Ён з’яўляецца прыхільнікам выключэння з прадуктаў кукурузнага сіропу, раслінных алеяў і штучных фарбавальнікаў.
Цікава, што сам Трамп аддае перавагу дыетычнай Coca-Cola са штучным падсалоджвальнікам аспартамам і нават меў у Белым доме кнопку, каб яму прыносілі яе.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары