U Aŭstralii spatrebiłasia 11 čałaviek, kab pačyścić zuby adnamu krakadziłu
Kab pačyścić i palačyć zuby adnamu krakadziłu, spatrebiłasia adrazu 11 čałaviek. Havorka idzie pra Ełvisa — vializnaha marskoha krakadziła daŭžynioj amal piać mietraŭ, jaki ličycca samym niebiaśpiečnym žycharom Aŭstralijskaha parku reptylij u Somierśbi. U jaho vyjavili infiekcyju skivicy, jakaja bieź lačeńnia mahła pryvieści da śmierci, piša Bild.
Kiraŭnictva parku pryznała, što hetaja pracedura stała samaj ryzykoŭnaj za ŭsiu historyju ŭstanovy.
Na praciahu niekalkich tydniaŭ dahladčyki i vieterynary rychtavalisia i dakładna pradumvali kožny krok. U pryznačany momant troje daśviedčanych supracoŭnikaŭ zavabili Ełvisa kormam, paśla čaho zamacavali viaroŭku na jahonaj vierchniaj skivicy.
Krakadził mocna supraciŭlaŭsia, i tolki paśla ŭviadzieńnia zaspakajalnych preparataŭ udałosia zrabić jamu renthien i ahledzieć paškodžańni.
Akazałasia, što stan zuboŭ nie taki ciažki, jak bajalisia śpiecyjalisty. Zamiest vydaleńnia zuboŭ jany zanialisia lačeńniem zapalenych učastkaŭ. Paškodžanyja zuby z časam vypaduć sami, a na ich miescy vyrastuć novyja. Pryblizna praz paŭtara—dva hady ŭ Ełvisa znoŭ budzie poŭny i zdarovy kamplekt zuboŭ.
Paśla ŭsich pracedur krakadziła bieź nijakaj škody dla žyvioliny viarnuli ŭ valjer. Jahony stan stabilny, i na hety momant «vizit da stamatołaha» ličycca paśpiachova zavieršanym.
U hamielčuka žyŭ krakadził, a ciapier jon maje raślinu, jakoj bolš niama ŭ dzikaj pryrodzie
Spabornictvy pa viesłavańni na Alimpijadzie-2032 chočuć pravieści na race, dzie žyvuć krakadziły
U Aŭstralii pamior krakadził Biort — zorka kultavaha ŭ 1980‑ia filma «Dandzi pa mianušcy «Krakadził»
Pop-idał Łana Del Rej vyjšła zamuž za hida pa krakadziłach
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary