Ukrainski baksior Alaksandr Usik nakaŭtavaŭ brytanca Daniela Dziubua ŭ bai za zvańnie absalutnaha čempijona śvietu ŭ supierciažkaj vazie. Matč adbyŭsia ŭ Łondanie na stadyjonie «Uembli».
Heta byŭ matč-revanš dvuch supiernikaŭ. Pieršy pajadynak pamiž imi adbyŭsia amal dva hady tamu, u žniŭni 2023 hoda. Tady Alaksandr Usik taksama śviatkavaŭ pieramohu, zdabytuju ŭ dziaviatym raŭndzie techničnym nakaŭtam.
Ciapier dla pieramohi Usiku chapiła piaci raŭndaŭ, hetym razam nakaŭt byŭ čystym.
Paśla hetaha boju jon staŭ trochrazovym absalutnym čempijonam śvietu — pieršym u epochu čatyroch aŭtarytetnych tytułaŭ.
Uvohule heta 24-ja pieramoha Usika, jon zastajecca niepieramožnym.
Usik taksama ŭsim sercam patryjot Ukrainy. «Pažyvi ŭ maim domie», — zaprasiŭ jon niadaŭna prezidenta ZŠA Donalda Trampa va Ukrainu na tydzień, kab toj na ŭłasnym dośviedzie zrazumieŭ realnaść vajny.
«Chaču padziakavać usioj Ukrainie, usim chłopcam, što baroniać našu krainu. Atrymaŭ bieźlič paviedamleńniaŭ ad roznych padraździaleńniaŭ, što baroniać Ukrainu — vy niejmaviernyja. Słava Ukrainie!» — skazaŭ Usik adrazu paśla boju.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy36
Kamientary