Kiraŭnik pamiežnaj zastavy ŭ Litvie: Miarkuju, u Biełarusi nielehałaŭ vučać pieraadolvać fizičny barjer
«Jak byccam viedajuć, dzie i jak chutčej možna praskočyć. 1,5—2 chviliny — 15 čałaviek prabirajucca», — skazaŭ Alhis Kisielus.
Kiraŭnik Kapčamiesckaj pamiežnaj zastavy Alhis Kisielus skazaŭ, što, na jaho dumku, u Biełarusi nielehalnych mihrantaŭ navučajuć apieratyŭnamu pieraadoleńniu fizičnaha barjeru, ustalavanaha na terytoryi Litvy, piša Delfi.lt.
Pavodle jaho słoŭ, pra heta možna mierkavać i pa dziejańniach nielehałaŭ, i pa tym, što jany prynosiać z saboj leśvicy — ich daŭžynia jakraz takaja, kab «prycisnuć» kalučy drot naviersie płota.
«U mianie jość takoje padazreńnie, što, mahčyma, na biełaruskaj terytoryi jość padobny fizičny barjer, i na im trenirujucca, bo dziejničajuć vielmi apieratyŭna. Jak byccam viedajuć, dzie i jak chutčej možna praskočyć. (…) 1,5—2 chviliny — 15 čałaviek prabirajucca», — skazaŭ Kisielus.
«U apošni čas vidać, što hetyja leśvicy (…) stali masiŭniejšymi i bolšymi. Ich kidajuć, pryminajuć kalučy drot i pieraskokvajuć», — dadaŭ jon.
Adnak nielehały karystajucca nie tolki leśvicami. U ich jość nažnicy dla razrazańnia mietału, łapatki dla kapańnia ziamli, a časam i nadzimanyja łodki.
«Najčaściej heta leśvica, ale taksama i režuć fizičny barjer, i padkopy sprabujuć zrabić. Byli vypadki, kali pa Niomanie na nadzimanych łodkach płyli, pa 8—9 čałaviek», — skazaŭ jon.
Zastava, jakuju ŭznačalvaje Kisielus, adroźnivajecca tym, što tut sychodziacca miežy troch krain — Biełarusi, Polščy i Litvy — miažy pierasiakajucca ŭ centry rečyšča raki Mara. Tut čaściej fiksujucca sproby prabiracca ŭ Polšču, a adtul — u Zachodniuju Jeŭropu.
«Ruch nielehałaŭ u nas asabliva prykmietny. (…) U hetym hodzie my nie dapuścili praniknieńnia kala 150 nielehałaŭ, zatrymali 100, jakija pieraadoleli fizičny barjer. Heta kala pałovy ŭsich zatrymanych asob, jakija parušyli miažu», — skazaŭ Kisielus.
Akramia taho, byli try vypadki, kali nielehały i ich pravadniki sprabavali nanieści traŭmy pamiežnikam.
«Dvojčy ŭ pamiežnikaŭ kidali kamiani, adzin raz — pałki i ŭsio, što traplałasia pad ruku. Adzin raz trapili pa aŭtamabilu», — raspavioŭ Kisielus.
«Ciapier pamiežniki chodziać u šlemach», — dadaŭ jon. Kisielus ličyć, što pravadniki mihrantaŭ — sami biełarusy. Jany chavajucca pad maskami, ale razmaŭlajuć pa-rusku, što ich vydaje, taksama ŭ ich inšaja struktura cieła.
«Ciažka skazać dakładna, ale ja dumaju, što pravadnikami mohuć być i sami nielehały. Ale, ja liču, što heta mohuć być i biełarusy — čuvać ruskuju movu i łajanku. Dumaju, i tyja, i druhija mohuć. Viadoma, z vyhladu jany masiŭniejšyja za mihrantaŭ, bujniejšyja. U ich inšaja źniešnaść», — praciahnuŭ jon.
Usiaho z pačatku kryzisu ŭ Litvu nie ŭpuścili 23 800 nielehałaŭ.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos25
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary