Śpiavačka Kacia IOWA apranułasia pa matyvach karciny Šahała «Prahułka» FOTA
Kacia IOWA trymała za ruku svaju kopiju, jakaja byccam łunaje ŭ niebie. Važyŭ kaścium ažno 50 kiłahramaŭ.
Niezvyčajny vobraz biełaruskaja śpiavačka Kacia IOWA (jana ž Kaciaryna Ivančykava) pakazała na rasijskim VK Fest, jaki prajšoŭ na hetych vychodnych u Maskvie.
Dla jaho stvareńnia hrupa mastakoŭ pieraasensavała karcinu Marka Šahała «Prahułka». Artystka, apranutaja ŭ sukienku ŭ haroch, trymała na padniataj ruce svaju kopiju, jakaja byccam łunała ŭ niebie.
Voś jak rastłumačyła takuju niebanalnuju interpretacyju pracy Šahała Kacia IOWA u instahramie:
«Pamiatajecie, u Šahała — «Prahułka», dzie Mark lohka padkidvaje kachanuju žančynu, dajučy joj aporu? Ja tolki adlustroŭvaju tendencyi našaha času. My stvaryli svaju prahułku — 2025: lubić siabie, vyhulvać siabie, ja ŭ siabie jość, ja ŭ siabie pić, ja ŭ siabie žyć. Volnaja, niezaležnaja — i zadziaŭbanaja».
Važyć davoli masiŭnaja kanstrukcyja kala 50 kiłahramaŭ. Nad joj pracavali kala troch miesiacaŭ dyzajnier Illa Mihmun, mastačka-skulptarka Lena Fab i płastyčnaja hrymiorka-butaforka Darja Račkova.
Treba adznačyć, što kaściumy biełaruskaj artystki zaŭsiody adroźnivajucca epatažnaściu. Sioleta Kacia IOWA užo paśpieła trapić u skandał, kali vystupała na Dni abarony dziaciej u rasijskim Vialikim Noŭharadzie.
Tady hienieralnamu dyrektaru pravasłaŭnaha telekanała «Spas» i prapahandystu Barysu Karčeŭnikavu padałosia, što sukienka śpiavački z Čavusaŭ nahadvaje mužčynski pałavy orhan.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
I pry hetym Rasieja ŭ 2025, Maskva, VK...