Stała viadoma, pra što siońnia havaryli ŭkraincy i rasijanie ŭ Stambule
Paśla chutkaha zaviaršeńnia pieramoŭ u Stambule jak ukrainski, tak i rasijski baki raskazali, pra što na ich viałasia havorka i ci byli dasiahnutyja jakija damoŭlenaści.
Kiraŭnik ukrainskaj delehacyi Rustem Umieraŭ paviedamiŭ, što Kijeŭ prapanavaŭ da kanca žniŭnia arhanizavać sustreču prezidentaŭ Ukrainy i Rasii pry ŭdziele prezidenta Turcyi Redžepa Erdahana i prezidenta ZŠA Donalda Trampa. U svaju čarhu, hałoŭny pradstaŭnik Rasii Uładzimir Miadzinski adznačyŭ, što pierad sustrečaj lidaraŭ treba abmierkavać mahčymyja pahadnieńni pa ŭrehulavańni kanfliktu i temy, jakija buduć uźniatyja.
Umieraŭ zajaviŭ, što pakul prahres pa pytańni spynieńnia ahniu adsutničaje, ale praca praciahvajecca. Pavodle jaho słoŭ, hałoŭny pryjarytet dla Ukrainy — heta ludzi, spynieńnie bajavych dziejańniaŭ i sustreča lidaraŭ.
Abodva baki paćvierdzili, što rychtujecca humanitarny abmien pałonnymi ŭ farmacie 1200 na 1200. Miadzinski paviedamiŭ, što adrazu paśla pieramoŭ u Stambule ŭžo adbyŭsia čarhovy abmien: 250 ukrainskich vajskoŭcaŭ pamianiali na 250 rasijskich na miažy ź Biełaruśsiu.
Taksama jon zajaviŭ, što Rasija zaviaršyła pracu nad śpisam ukrainskich dziaciej, pieradadzienym na papiarednim raŭndzie pieramoŭ. Adnak, pa jaho słovach, šmat chto ź dziaciej nikoli nie znachodziŭsia na terytoryi Rasii, a častka ź ich — užo paŭnaletnija. Jon taksama paviedamiŭ, što kala 30 žycharoŭ Kurskaj vobłaści, jakich USU vyvieźli va Ukrainu, pakul nie viarnulisia ŭ Rasiju.
Akramia hetaha, pradstaŭnik Pucina paviedamiŭ, što Maskva prapanavała stvaryć try anłajn-hrupy dla dalejšych pieramoŭ — pa palityčnych, humanitarnych i vajskovych pytańniach. Jašče adna prapanova — uvodzić časovyja pieramirji na 24 abo 48 hadzin dla evakuacyi paranienych i vyvazu zahinułych.
Rustem Umieraŭ padkreśliŭ, što dakumienty, jakija abmiarkoŭvalisia na pieramovach, niekarektna nazyvać miemarandumami:
«Heta prajekty. Važna adznačyć, što ŭkrainskija dakumienty bolš realistyčnyja, čym rasijskija».
Rasija i Ukraina zaviaršyli pieramovy ŭ Stambule. Jany išli kala 40 chvilin
Syrski paprasiŭ Trampa dapamahčy Ukrainie pieranieści vajnu na terytoryju Rasii
ZŠA pastaviać zbroju najpierš tym sajuźnikam, jakija addaduć svaje zapasy Ukrainie
ZŠA adkłali ŭzhodnienuju pastaŭku Patriot Šviejcaryi, bo ŭ pryjarytecie Ukraina
Kamientary
Vsie, čtoby zatianuť vojnu.
Nieužieli Putin sčitajet, čto on za 50 dniej silno navojujet? Bolšie, čiem za priedyduŝije 1200? On užie dažie Trampa vybiesił