Abmien prajšoŭ 23 lipienia, jak zvyčajna na biełaruska-ŭkrainskaj miažy, adrazu paśla zaviaršeńnia siońniašnich pieramoŭ u Stambule. Adnak jon praviedzieny jašče ŭ miežach damoŭlenaściaŭ, dasiahnutych na pieramovach 2 červienia.
Pa vynikach sustrečy ŭ Stambule 23 lipienia kiraŭnik rasijskaj delehacyi Uładzimir Miadzinski paviedamiŭ, što na miažy Ukrainy i Biełarusi pravodzicca abmien vajennapałonnymi ŭ farmacie 250 na 250.
Prezident Ukrainy Uładzimir Zialenski zajaviŭ, što ŭ miežach hetaha abmienu dadomu viarnulisia ciažka paranienyja i chvoryja abaroncy Ukrainy. Jon adznačyŭ, što dziakujučy apošnim damoŭlenaściam u Stambule atrymałasia viarnuć bolš za tysiaču čałaviek. Pavodle jaho słoŭ, heta vialikaja radaść dla tysiačy siemjaŭ, jakija zmahli znoŭ abniać svaich blizkich.
Ukraina, u svaju čarhu, viarnuła hrupu rasijskich vajskoŭcaŭ. Usie jany ciapier znachodziacca ŭ Biełarusi, dzie im akazvajuć miedycynskuju i psichałahičnuju dapamohu. U dalejšym ich adpraviać u Rasiju dla prachodžańnia lačeńnia i reabilitacyi.
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary
https://kalinouski.org/news/fundraising-for-the-wounded.html