Biełaruskim ipešnikam upieršyniu za apošnija hady dumajuć palehčyć umovy pracy. Što płanujuć źmianić
Na praciahu apošnich hadoŭ ułady metanakiravana ŭskładniali ŭmovy pracy dla indyvidualnych pradprymalnikaŭ: padymali padatki, admianiali lhoty i zabaraniali zajmacca peŭnymi vidami dziejnaści. Vyhladaje, što ciapier płanujuć krychu pasłabić abmiežavańni.
Heta vynikaje z pratakoła červieńskaj narady pa prajekcie łukašenkaŭskaha Ukaza «Ab źmianieńni Dyrektyvy prezidenta Respubliki Biełaruś».
U Biełarusi prapanujuć pierahledzieć umovy pracy dla IP. Razmova idzie pra pieralik vidaŭ dziejnaści, jakimi možna zajmacca ŭ statusie IP.
Ciapier IP, čyje vidy dziejnaści nie trapili ŭ śpis dazvolenych, majuć prava praciahvać pracu tolki da 31 śniežnia 2025 hoda. Dalej treba budzie albo zaviaršyć dziejnaść, albo stvaryć jurydyčnuju asobu, što aznačaje bolš składanaściej u dakumientaabarocie i buchhałteryi, bolšyja vydatki na viadzieńnie biźniesu i bolšyja štrafy.
Zhodna ź dziejučym śpisam, z nastupnaha hoda IP budzie zabaroniena zajmacca nastupnymi vidami dziejnaści:
- 45 — aptovy i roźničny handal aŭtamabilami, matacykłami;
- 46 — aptovy handal;
- 82.19 — dziejnaść pa kapiravańni, padrychtoŭcy dakumientaŭ i inšaj śpiecyjalizavanaj ofisnaj dziejnaści;
- 90.01 — dziejnaść u śfiery vykanalnickich mastactvaŭ;
- 90.02 — dziejnaść, jakaja spryjaje praviadzieńniu kulturna-vidoviščnych mierapryjemstvaŭ.
To-bok praduhledžvałasia, što kab tamada moh vieści viasielli paśla 31 śniežnia 2025 hoda, jamu treba budzie zarehistravać jurydyčnuju asobu.
Ciapier ža byŭ prapanavany taki padychod: «Zabiaśpiečyć pierachod ad pryncypu «dazvolena, što dazvolena», da pryncypa ahulnadazvolenaha, kali dazvolena ŭsio, što nie zabaroniena.
Takim čynam, biełaruskim IP mohuć viarnuć mahčymaść zajmacca ŭsimi vidami dziejnaści, jak heta było raniej. Pry hetym z ulikam uchvalenaha padychodu mohuć być uviedzienyja dadatkovyja hraničnyja abmiežavańni pa vyručcy dla IP.
Jak źmianialisia ŭmovy pracy dla IP na praciahu apošnich hadoŭ:
Z 2022 hoda pa bolšaści vidaŭ dziejnaści IP zabaranili vykarystoŭvać sproščanuju sistemu padatkaabkładańnia.
Z 2023 hoda: sproščanuju sistemu padatkaabkładańnia dla IP całkam admianili.
— paralelna z hetym staŭka padachodnaha padatku vyrasła z 16% da 20%.
— skasavali šerah lhot pa adlikach u FSAN.
Z 1 studzienia 2024 hoda indyvidualnyja pradprymalniki stracili mahčymaść pracavać z PDV.
— źjaviłasia abmiežavańnie vyručki pamieram 500 tysiač rubloŭ, paśla dasiahnieńnia jakoj IP bolš nie maje prava pracavać i musić stvarać jurydyčnuju asobu.
Z 1 kastryčnika 2024 hoda stała niemahčyma adkryć IP pa vidach dziejnaści, jakija nie trapili ŭ novy śpis.
Paśla novaŭviadzieńniaŭ kastryčnika 2024 hoda, pa padlikach Ministerstva ekanomiki, kala 20 tysiač IP musili źmianić svoj status na jurydyčnuju asobu abo skončyć dziejnaść paśla 31 śniežnia 2025 hoda.
Pa stanie na pieršy kvartał 2025 hoda, u Biełarusi naličvałasia 234 tysiačy indyvidualnych pradprymalnikaŭ.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Łukašienko sčitajet, čto vyhnav million , obiezopasił pieriedaču vłasti Kole? Ostavšijesia v stranie dołžny razdieťsia i rabotať na Kolu i jeho papu? Rabotať pod padajuŝimi na ich hołovy bieśpiłotnikov s vzryvčatkoj?
Vied́ tie, kto dołžien śbivať bieśpiłotniki, zaniaty izdievatielstvami i tierrorom nad biełarusami.
Navierno da, pokazatielny byli vyskazyvanija papykoli nastavlajuŝije vypusknikov škoł s nizkimi bałłami, - iditie v biźnieś, iditie v riady všivych błoch.
Umnyje dołžny idti v kołchozy, na hospriedprijatija, a duraki v biźnieś ?