U Minadukacyi zajavili pra rekordny nabor na piedahahičnyja śpiecyjalnaści
U 2025 hodzie ŭ biełaruskija VNU na biudžetnuju formu navučańnia zaličyli 99,5% ad zapłanavanaj kolkaści studentaŭ. Pra heta paviedamiŭ ministr adukacyi Andrej Ivaniec padčas vizitu ŭ staličnyja kaledžy.
Asablivuju ŭvahu Ivaniec źviarnuŭ na rekordna vysoki nabor na piedahahičnyja śpiecyjalnaści — u hetym hodzie na biudžet zaličyli 3,9 tysiačy budučych nastaŭnikaŭ. Ministr padkreśliŭ, što piedahohaŭ, maŭlaŭ, ź nieciarpieńniem čakajuć u škołach.
Taksama adznačanaja vysokaja efiektyŭnaść naboru na ahrarnyja śpiecyjalnaści — z 2,9 tysiačy vydzielenych miescaŭ dla budučych śpiecyjalistaŭ ahrapramysłovaha kompleksu zastałosia vakantnymi mienš za 50. Pavodle Ivanca, heta taksama najlepšy vynik za apošnija hady.
Ministr taksama paviedamiŭ, što kožny čaćviorty z tych, chto pastupiŭ u VNU, budzie vučycca na inžyniera, a kožny dziasiaty — stanie piedahoham, miedykam abo śpiecyjalistam APK.
U vyniku, pa słovach Ivanca, struktura pryjomu adpaviadaje jak patrebam i pažadańniam abituryjentaŭ, tak i patrebam biełaruskaj ekanomiki.
Kamientary